କବିତା

ସାଇଡ୍ ଇଫେକ୍ଟ ଡଟ୍ ମୋବି

Ranjan Kumar Swain's Odia Poem SIDE EFFECT DOT MOBI

ନ ଥାଉ ଦାନାକନା
ଫୋଅନ କିଣୁ ଘନା ଘନା
ମୋବାଇଲ୍ ନିଶା ଘାରି ଯାଉଅଛି,
ପକେଟ୍‌କୁ ଥରେ ଅନା ।

ସାଇଡ୍ ଇଫେକ୍ଟ ଡଟ୍ ମୋବି

ଆବାଳ ବୃଦ୍ଧ ବନିତା
ମୋବାଇଲ୍ ତାଙ୍କ ବିଧାତା
କାମ ଦାମ ସବୁ ଭୁଲି,
ଫୋଅନରେ ଭାରି ତତ୍ପରତା ।

ସମୟ ଅମୂଲ ଧନ
ବିତିଯାଏ ଘନ ଘନ
ଆଖି ଲୁହ ତୋର କେହି ପୋଛିବେନି,
ଆଗୁ ହୁଅ ସାବଧାନ ।

ଆଖିକୁ ନାହିଁ ନିଦ
ହଲୁ ନାହିଁ ଗୋଡ଼ ହାତ
ରୋଗପୀଡ଼ାକୁ ଡାକରା ଦେଏନା,
ବଢ଼ାନି ଆଉ ତ ମେଦ ।

ଫୋଅନ ଚିପାରେ ବିଜି
ସପନ ରାଇଜେ ହଜି
କାହାସାଥେ ପଦେ କଥା ହେଉନାହୁଁ,
ଜୀଅନ୍ତା ଯନ୍ତ୍ର ସାଜି ।

ନ ଥାଉ ଦାନାକନା
ଫୋଅନ କିଣୁ ଘନା ଘନା
ମୋବାଇଲ୍ ନିଶା ଘାରି ଯାଉଅଛି,
ପକେଟ୍‌କୁ ଥରେ ଅନା ।

ସବୁଥିରେ ଅଛି ସୀମା
ଟପିବୁନି ତାକୁ ଜମା
ଉପଯୋଗିତାର ଫାଇଦା ନେଇ ନେ,
ଭାଗ୍ୟକୁ ନ ଦେଇ ଜିମା ।

ଲୋକପ୍ରିୟ ଲେଖା

To Top