କବିତା

ନଦୀର ପ୍ଳାବନ

Ashok Biswal's odia poem Mana Aakaashara Jahna

ଯୌବନ ସମ୍ଭାରରେ ତୁମେ ଉଛୁଳୁଛ
ତୁମର ଲାଲ ଓଠରେ
ପ୍ରେମର ମଧୁ ଭରିକି ରହିଛି
ଜୁଆର ଭଳି ମାଡି ଯେ ଆସୁଛି
ଛୁଇଁ ଯାଉଛି ମୋହର ଓଠକୁ
କିଛି ବାଧା ନମାନିକି ।

ନଦୀର ପ୍ଳାବନ

ତୁମେ କେତେ ଯେ ସୁନ୍ଦର
ମୋହି ମୁଁ ଯାଉଛି
କେତେ ଡଉଲ ମୁହଁ ତ ତୁମର
ଶରୀରକୁ ଖୁଣିବାର ନାହିଁ
ବିନ୍ଧାଣୀ ଗଢିଛି କେତେ ଯେ ଯତ୍ନରେ
କିଏ ତୁମର ତୁଳନା ହେବେନି ।

ଯୌବନ ସମ୍ଭାରରେ ତୁମେ ଉଛୁଳୁଛ
ତୁମର ଲାଲ ଓଠରେ
ପ୍ରେମର ମଧୁ ଭରିକି ରହିଛି
ଜୁଆର ଭଳି ମାଡି ଯେ ଆସୁଛି
ଛୁଇଁ ଯାଉଛି ମୋହର ଓଠକୁ
କିଛି ବାଧା ନମାନିକି ।

ଫୁଲର ରଙ୍ଗ ତୁମର ପାଖରେ
ଟିକିଏ ମଳିନ ପଡିନି
ତୁମର ବାହୁ
କୋମଳ ଫୁଲ ପାଖୁଡାର ଠାରୁ
ମୁହଁ ଲୁଚାଇ ମୁଁ ଦିଏ
ତୁମର ବୁକୁରେ
ନିଜକୁ ମୁଁ ଭୁଲି ଯାଏ ।

ଆସିଅଛି ମନର ନଦୀରେ ଯେ ବନ୍ୟା
କୂଳ ଆଉ ମାନୁ ନାହିଁ
ଉଛୁଳି ପାଣି ବୋହିତ ଯାଉଛି
ବନ୍ଧ ଭାଙ୍ଗିଯିବ
ଏଇ କ୍ଷଣିକରେ ।
ନେଇ ଯାଅ ବାହୁରେ ତୁମରେ
ମୁହଁ ଲୁଚାଇ ଦିଏ ମୁଁ ତୁମ ହୃଦୟରେ
ମନ ନଦୀରେ ପ୍ଲାବନ ଆସିଛି
କୂଳ ଆଉ ତ ମାନୁନି ।

(ଷଷ୍ଠ ଦଲାଇଲାମାଙ୍କ ତରୂଣ ଜୀବନର ଭାବନା ଏ କବିତାମାନଙ୍କରେ କିଛି ମାତ୍ରାରେ ପ୍ରତିଫଳନ କରାଯାଇଛି । ସେ ଅରୂଣାଚଳ ପ୍ରଦେଶର ତାୱାଙ୍ଗ ଅଂଚଳରେ ଜନ୍ମ ଗ୍ରହଣ କରିଥିଲେ ଏବଂ ପରେ ତାଙ୍କୁ ଷଷ୍ଠ ଦଲାଇଲାମା ଭାବରେ ଅଭିଷିକ୍ତ କରାଯାଇଥିଲା । ତରୁଣ ବୟସରେ ସେ ସଂସାରରୁ ବିଦାୟ ନେଇଥିଲେ । )

ଲୋକପ୍ରିୟ ଲେଖା

To Top