କବିତା

ଧର୍ଷିତା ଝିଅକୁ ଜବାବ ଦିଅ

Seema Rekha's odia poem Dharshitaa Jhiaku Jabaab Dia

ଝୁଣି ଝୁଣି ସିଏ ମାଂସକୁ ଖାଇଲା
ନିଜକୁ ସଜେଇ ବାଘ
ଜହ୍ନ ନହୋଇ ବି ଯୁଗ ଯୁଗ ପାଇଁ
ମୋ ଦେହେ ଲାଗିଲା ଦାଗ

ସମବେଦନାରେ କୋଟିଏ ତୁଣ୍ଡରୁ
ଆହା ପଦ ଆସେ ଛୁଟି
ହେ ପୁରୁଷ ତୁମ ଭିତରୁ କେହି ମୋ
ଇଜ୍ଜତକୁ ନେଲା ଲୁଟି

ଝୁଣି ଝୁଣି ସିଏ ମାଂସକୁ ଖାଇଲା
ନିଜକୁ ସଜେଇ ବାଘ
ଜହ୍ନ ନହୋଇ ବି ଯୁଗ ଯୁଗ ପାଇଁ
ମୋ ଦେହେ ଲାଗିଲା ଦାଗ

ପଶୁପଣେ ତୁମେ କାମନା ନିଆଁରେ
ଖାଅନି କାହାକୁ ଜାଳି
ନହଲେ ଏ ନାରୀ ବାଧ୍ୟହେବ ପୁଣି
ସାଜିବାକୁ ଚଣ୍ଡୀ କାଳୀ

ସ୍ଥାଣୁ ଚଉଷଠି ଯୋଗିନୀ ମାନେ ବି
ଭୁଲିଯିବେ ଦୟା ମାୟା
କେଉଁ ପୁରୁଷକୁ ମିଳିବେନି ଆଉ
ଜନନୀ ଭଗିନୀ ଜାୟା

ଲୋକପ୍ରିୟ ଲେଖା

To Top