କବିତା

ଭଲ ଲାଗେ

Nrusingha Charan Tripathy

କଅଁଳିଆ ଖରା ପଡ଼ି
ବୁନ୍ଦା ବୁନ୍ଦା ଶିଶିର,
ଧୂଆଁଳିଆ ଆକାଶରେ
ମିଟ୍ ମିଟ୍ ସୀତାର ।୩।

ଭଲ ଲାଗେ

ମତେ ଭାରି ଭଲ ଲାଗେ
ମେଘ ଭରା ଆକାଶ,
ଝିପ୍ ଝିପ୍ ବର୍ଷା ରାତି,
ଚପଳାର ପ୍ରକାଶ ।୧।

ଶୀତୁଆ ସକାଳେ ଥିଲେ
କୁହୁଡ଼ିର ଆସର,
ବରକୋଳି ପଡ଼େ ଯଦି
ଗଛ ମୂଳେ ଆମର ।୨।

କଅଁଳିଆ ଖରା ପଡ଼ି
ବୁନ୍ଦା ବୁନ୍ଦା ଶିଶିର,
ଧୂଆଁଳିଆ ଆକାଶରେ
ମିଟ୍ ମିଟ୍ ସୀତାର ।୩।

ନଦୀ ପଠା ହସି ଉଠେ
ପାଇ ଫୁଲ ସମ୍ଭାର,
ଫଳପୁଷ୍ପେ ଭରିଯାଏ,
ପାଇ ମଧୁ କାକର ।୪।

ଆମ୍ୱ ବଉଳର ବାସେ
ଧରା ଉଠେ ଚହଟି,
କୋକିଳର କୁହୁତାନେ,
ମନ ଉଠେ ଉକୁଟି ।୫।

ପହିଲି ଅସରା ବର୍ଷା
ମାଟି ପରେ ପଡ଼ିଲେ,
ଭୁରୁ ଭୁରୁ ମାଟି ବାସନା
ଗଛ ପତ୍ର ଝଡ଼ିଲେ ।୬।

ମେଘଭରା ଶିରାବଣ
ଘଡ଼ଘଡ଼ି ବିଜୁଳି,
ଭେକ ଝିଣ୍ଟିକାର ନାଦ
ପରିବେଶ ଉଛୁଳି ।୭।

ମତେ ଭାରି ଭଲ ଲାଗେ
ନୂଆ କଥା ଜାଣିଲେ,
ନୂଆ ଲୋକ ନୂଆ ଜାଗା
ଭେଟହେଲେ ପହିଲେ ।୮।

ଆମେ ସବୁ ଶିଶୁଗଣ
ଭଲକାମ କରିବା,
ଯେତେ ଯେତେ ଭଲ କଥା
ମନ ଦେଇ ଶୁଣିବା ।୯।

ଲୋକପ୍ରିୟ ଲେଖା

To Top