କବିତା

କାହିଁକି କାନ୍ଦୁଛୁ

Madhabananda Panda's odia poem for children Kahinki Kaanduchhu

ଫାରମ ମାଲିକ ମାଆକୁ ତୋହର ଦେଇଛି ବିକିରି କରି ।
ହେଇ ସାରିବଣି କାହାର ଆହାର ହେଇ କି ଚିକେନ୍ କରି ।।

କାହିଁକି କାନ୍ଦୁଛୁ

କାହିଁକି କାନ୍ଦୁଛୁ ମୋ କୁନି ଚିଆଁରେ କାନ୍ଦୁଅଛୁ କାହିଁପାଇଁ ?
ମାଆ ଯାଇଅଛି କେଉଁଆଡ଼େ ଚାଲି କାଲି ଠାରୁ ଆସି ନାହିଁ ।।

ମାଆ ତୋର ଆଉ ଆସିବକି ଫେରି ବାଇଆ, ବାତୁଳ ହେଲୁ ।
ଏତେ ଦିନ ଏଠି ରହିଲୁଣି ପରା କିଛି ଜାଣି ନ ପାରିଲୁ ।।

ଫାରମ ମାଲିକ ମାଆକୁ ତୋହର ଦେଇଛି ବିକିରି କରି ।
ହେଇ ସାରିବଣି କାହାର ଆହାର ହେଇ କି ଚିକେନ୍ କରି ।।

ଆମର ମାଲିକ କେଡ଼େ ଦୟାବନ୍ତ ଦିଅଇ ସୁରଭି ଦାନା ।
ତୁମେ କିଆଁ କହୁଛ ଏପରି ନୁହଁଇ ଉଚିତ୍ ନା. . . ନା ।।

ମୋ କୁନି ଚିଆଁରେ ତୁ ଭାରି ସରଳ ଜୀବନଟା ଭାରି ବଙ୍କା ।
ଦେଉଅଛି ଦାନା ଶୀଘ୍ର ବଢ଼ିଗଲେ ବିକି ସେ ପାଇବ ଟଙ୍କା ।।

ନିଜର ସ୍ୱାରଥ ନ ଥିଲେ ମଣିଷ ପାଳନ୍ତା କାହିଁକି ତୋତେ ?
ଆମ ପାଳି କେବେ ପଡ଼ିଯିବ ପରା କାନ୍ଦ ବି ଲାଗୁଛି ମୋତେ ।।

ଆନ ପାଇଁ ତ୍ୟାଗ କରୁଛେ ଜୀବନ ଏତିକି ରଖିଥା ମନେ ।
ତ୍ୟାଗରେ ହିଁ ଭୋଗ ଉପନିଷଦରେ କହିଛନ୍ତି ମୁନି ଜନେ ।।

Click to comment

Leave a Reply

Your email address will not be published. Required fields are marked *

ଲୋକପ୍ରିୟ ଲେଖା

To Top