କବିତା

ମାଟି ପାଣି ପବନ

Kanishtha Kishore Sahu's odia poem for children Maati Paani Pabana

କଳ କାରଖାନା ସକଳ ଜଳ ଯୋଗୁଁ ଚଳଇ,
ଏହାର ବିହୁନେ ଜୀବନ ଅସମ୍ଭବ ଅଟଇ ।

ମାଟି ପାଣି ପବନ

ଟିକି ଟିକି ଧୂଳି କଣାରେ ଗଢ଼ା ଆମ ଏ ମାଟି,
ବନ ଉପବନ ପ୍ରାନ୍ତର ସବୁ ଏହାର ସୃଷ୍ଟି ।
କେତେ ଯୁଗ ଠାରୁ ହୋଇଛି ଗଢ଼ା ଆମ ପାଇଁ କି,
ଜୀବନ ଜୀବିକା ଦେଇଛି ସାରା ବିଶ୍ୱବାସୀ କି !
ଆମ ଏ ଧରଣୀରାଣୀର ବଡ଼ ଭାଗ ତ ଜଳ,
ଲୁଣିଆ ସବୁଠି ସମୁଦ୍ର ମିଠା ନଈ କି ନାଳ ।

କଳ କାରଖାନା ସକଳ ଜଳ ଯୋଗୁଁ ଚଳଇ,
ଏହାର ବିହୁନେ ଜୀବନ ଅସମ୍ଭବ ଅଟଇ ।
ଖାଦ୍ୟ ଓ ଜଳର ବିହୁନେ କିଛିଦିନ ବଞ୍ଚିବ,
ପବନ ଅଭାବେ ନିମିଷେ ଜୀଇଁବା ଅସମ୍ଭବ ।
ପ୍ରକୃତିର ମହାଦାନ ଏ ଜୀବ ଜଗତ ପ୍ରାଣ,
ଦୁର୍ଲଭ ଦ୍ରବ୍ୟ ନୁହେଁ କି ମାଟି ପାଣି ପବନ ।

Click to comment

Leave a Reply

Your email address will not be published. Required fields are marked *

ଲୋକପ୍ରିୟ ଲେଖା

To Top