କବିତା

ଫଗୁଣ

Kanishtha Kishore Sahu's odia poem for children Phaguna

ବଣ ବୁଦା ଡାଳେ ଗୁପତେ କୋଇଲି
ଡାକିଥାଏ କୁହୁତାନେ,
ସୋରିଷ ଫୁଲର ଲହଡ଼ି ମଧ୍ୟରେ
ଭାସେ କୃଷକ ସପନେ ।

ଫଗୁଣ

ମାଘ ମାସ ପରେ ଆସଇ ଫଗୁଣ
ଗଛରୁ ପତର ଝାଡ଼ି,
ଖରା ଆପେ ଆପେ ବଢ଼ି ବଢ଼ି ଯାଇ
ଶୀତ ଯାଇଥାଏ ଛାଡ଼ି ।

ଗଛ ବୁଦା କୋଳେ ଶୋଭା ପାଉଥାଏ
ନାଲି ନୀଳ କିଶଳୟ,
ସୁମନ ସୁରଭି ଦିଗ ଚହଟାଇ
ପ୍ରକୃତିର ଗାଏ ଜୟ ।

ବଣ ବୁଦା ଡାଳେ ଗୁପତେ କୋଇଲି
ଡାକିଥାଏ କୁହୁତାନେ,
ସୋରିଷ ଫୁଲର ଲହଡ଼ି ମଧ୍ୟରେ
ଭାସେ କୃଷକ ସପନେ ।

ବାଡ଼ିପଟେ ପାଟେ ମିଠା ବରକୋଳି
ବଣ ମଧ୍ୟେ କଣ୍ଟିକୋଳି,
ବଣ ମୂଲକରେ ପାଚି କେତେ ମିଠା
କେନ୍ଦୁ ଖାଉଥିଲେ ତୋଳି ।

ଶିବରାତ୍ରୀ ସହ ପୂଣ୍ୟ ଦୋଳଯାତ୍ରା
ଆସିଥାଏ ଏହି ମାସେ,
ଋତୁଚକ୍ର ମଧ୍ୟେ ଶ୍ରେଷ୍ଠ ବସନ୍ତର
ବାର୍ତ୍ତାକୁ ଫଗୁଣ ଭାଷେ ।

ଲୋକପ୍ରିୟ ଲେଖା

To Top