କବିତା

ଛୋଟ

Kanishtha Kishore Sahu's odia poem for children Chhota

ଛୋଟ ବୀଜଟିଏ ଅଙ୍କୁରିତ ହୋଇ
ହୋଇଥାଏ ମହାଦ୍ରୁମ
ଛୋଟ ଜୀବଟିଏ ପିମ୍ପୁଡ଼ି ପାଇଁକି
ହାତୀ ଭାବିଥାଏ ଯମ ।

ଛୋଟ

ଛୋଟ ବୀଜଟିଏ ଅଙ୍କୁରିତ ହୋଇ
ହୋଇଥାଏ ମହାଦ୍ରୁମ
ଛୋଟ ଜୀବଟିଏ ପିମ୍ପୁଡ଼ି ପାଇଁକି
ହାତୀ ଭାବିଥାଏ ଯମ ।

ଛୋଟ କେତେ ଜଳ ବିନ୍ଦୁ ମିଶି ଶେଷେ
ରଚିଥାନ୍ତି ପାରାବାର
ଛୋଟ ଦିଆସିଲି କାଠି ଖଣ୍ଡେ କ୍ଷଣେ
ବନ କରେ ଛାର ଖାର ।

ଛୋଟ ପୋକଟିଏ ଖଦ୍ୟୋତ ରାତିକୁ
କରିଥାଏ ଆଲୋକିତ
ଛୋଟ ମହୁମାଛି ଫୁଲେ ଫୁଲେ ବସି
ସଞ୍ଚିଥାଏ ଅମୃତ ।

ଛୋଟ କୋଇଲିଟି ଗଛର ଊହାଳେ
ଦିଏ ବସନ୍ତ ସନ୍ଦେଶ
ଛୋଟ ବିଛାଟିଏ କାଟିଦେଲେ ପାଦେ
ମହା ପ୍ରବଳ ତା ବିଷ ।

ଛୋଟ ବୋଲି କେବେ ଭାବନି କାହାକୁ
କେହି ନୁହେଁ ଶ୍ରୀହୀନ
ଛୋଟ ମଧ୍ୟେ ଥିବା ଲୁକ୍କାୟିତ ଶକ୍ତି
କରେ ତାକୁ ମହୀୟାନ ।

ଲୋକପ୍ରିୟ ଲେଖା

To Top