ଅଳଙ୍କାର ଆଚାର୍ଯ୍ୟ

ଅଳଙ୍କାର ଆଚାର୍ଯ୍ୟ

ଯୁବ କଥାଶିଳ୍ପୀଙ୍କର ଜନ୍ମ ଯାଜପୁର ଜିଲ୍ଲାର ସନ୍ଥମାଧବ ଗ୍ରାମରେ । ପିତା ଶ୍ରୀ କିଶୋର ଚନ୍ଦ୍ର ଆଚାର୍ଯ୍ୟ ଓ ମାତ୍ର ଅଞ୍ଜଳି ପତି । ମେକାନିକାଲ୍ ଇଞ୍ଜିନିୟରିଂରେ ଡିଗ୍ରୀ ହାସଲ ପରେ ଅଧୁନା ପ୍ରଶାସନିକ ସେବା କାର୍ଯ୍ୟ ପାଇଁ ଅଧ୍ୟୟନରତ । ବାଲ୍ୟ କାଳରୁ ଆଧ୍ୟାତ୍ମିକବାଦୀ ତଥା ଚିତ୍ରଶିଳ୍ପୀ ଭାବରେ ବନ୍ଧୁମହଲରେ ଆଦୃତ । ଓଡ଼ିଆ ଏବଂ ସଂସ୍କୃତ ଭାଷାରେ ସେପରି ଶିକ୍ଷାଲାଭ ନ କରିଥିଲେ ମଧ୍ୟ ତାଙ୍କର ଗଳ୍ପ ଗୁଡ଼ିକରେ ସୁନ୍ଦର ଶବ୍ଦ ସଂଯୋଜନା ପରିଲକ୍ଷିତ ହୁଏ । ପୌରାଣିକ ଚରିତ୍ର ଉପରେ ତାଙ୍କର କାହାଣୀ ଗୁଡ଼ିକ ପର୍ଯ୍ୟବେସିତ । ଏ ପର୍ଯ୍ୟନ୍ତ ପ୍ରକାଶିତ ଗଳ୍ପ ଗୁଡ଼ିକ "ଗୋଧୂଳି, ଅନ୍ୱେଷିତା, ସ୍ମୃତିସାନ୍ତ୍ୱନା, ଯୁଗଶ୍ରୀଯୁଗନାରୀ" ଆଦି ଓଡ଼ିଆ ସାହିତ୍ୟ ପତ୍ରିକାରେ ପ୍ରକାଶିତ ହୋଇ ପାଠକ-ପାଠିକାଙ୍କ ଦ୍ୱାରା ଗ୍ରହଣୀୟ ହୋଇପାରିଛି । ପୌରାଣିକ ଚରିତ୍ରଙ୍କୁ ମୁଖ୍ୟ ନାୟକ ବା ନାୟିକା ଭାବରେ ଉପସ୍ଥାପନା କରି ସାମ୍ପ୍ରତିକ ସାମାଜିକ ଘଟଣା ସହିତ । ସେମାନଙ୍କର ସୁଦୃଢ଼ ସମ୍ପର୍କ ସ୍ଥାପନ କରିବାରେ ତାଙ୍କର ଲେଖନୀ ସର୍ବଦା ଚେଷ୍ଟାରତ । ପ୍ରକୃତିର ସୁଷମା, ମାନବର ଜିଜୀବିଷା, ଈଶ୍ୱରଙ୍କର ଐଶୀ ବଦାନ୍ୟତା ମଧ୍ୟରେ ସଂଯୋଗର ସରଳତମ ସୂତ୍ର ଏକମାତ୍ର ସାହିତ୍ୟ ସାଧନା ବୋଲି ତାଙ୍କର ବିଶ୍ୱାସ ।

Posts By ଅଳଙ୍କାର ଆଚାର୍ଯ୍ୟ

More Posts
To Top