କବିତା

ଆହ୍ୱାନ

Nrushingha Tarai's odia poem Aahwaana

ତମେ ତ ଆପଣାର
କେତେ ଦିନ ଆଉ ଶତ୍ରୁପଣ
ଲଢ଼ାଲଢ଼ି ଲୁହଲହୁ
ବଳ କଷାକଷି
ଜିଦ୍‌ଛାଡ଼, ଆସ
ଖୋଜିବା ଜୀବନ !

ଆହ୍ୱାନ

ହାତ ବଢେ଼ଇ ଦିଅ
ହାତେଇ ନେବାକୁ
ଦୁଃଖ ଅର୍ଦ୍ଧେକ
ରାସ୍ତା ଫିଟେଇ
ଶାନ୍ତିର ପଥ
ଖୋଲି ଦୁଆର ଫାଟକ
ଜିଦ୍‌ଛାଡ଼ି, ଆସ
ଖୋଜିଯିବା ଭାଇଚାରା
ଖୋଜିବା ଜୀବନ !

ତମେ ତ ଆପଣାର
କେତେ ଦିନ ଆଉ ଶତ୍ରୁପଣ
ଲଢ଼ାଲଢ଼ି ଲୁହଲହୁ
ବଳ କଷାକଷି
ଜିଦ୍‌ଛାଡ଼, ଆସ
ଖୋଜିବା ଜୀବନ !

ରକ୍ତ ଜୁଡୁବୁଡୁ ମାଟି
ବୁକୁଫଟା କୋହ
ଲିଭି ଯାଉଛି ମଥାର ସିନ୍ଦୂର-
ମାଟିରେ ମିଶିଯାଉଛି ସ୍ୱପ୍ନ
ଏଇପରି
ଆଉ କେତେ ଦିନ ?
ଜିଦ୍‌ଛାଡ଼, ଆସ
ଖୋଜିଯିବା ଭାଇଚାରା
ଖୋଜିବା ଜୀବନ !

ଫେରାଇ ଆଣିବା ଶାନ୍ତି
ଉଜୁଡ଼ା ବିଶ୍ୱାସ
ବନ୍ଧନ-ତମର ଆମର
ଫିଙ୍ଗିଦେଇ ସବୁ ଅହମିକା-
ସବୁ ଅହଂକାର
ଜିଦ୍‌ଛାଡ଼, ଆସ
ଖୋଜିଯିବା ଭାଇଚାରା
ଖୋଜିବା ଜୀବନ !

ଲୋକପ୍ରିୟ ଲେଖା

To Top