କବିତା

ଆମେଓଡ଼ିଆ

ମନର ଭାବକୁ ସବୁ,
ଏକାଠି ସାଇତି
ହୃଦୟ ରେ ଭରିଦିଏ,
ଅଜଣା କରତି ।

ଆମେଓଡ଼ିଆ

ଘମାଘୋଟ ଅନ୍ଧାରର
କାଳିମାକୁ ଭେଦି
କିଏ ସେ ଆସଇ ସତେ,
ଅକୁହା ଦରଦି ?

ମନର ଭାବକୁ ସବୁ,
ଏକାଠି ସାଇତି
ହୃଦୟ ରେ ଭରିଦିଏ,
ଅଜଣା କରତି ।

ସୁପ୍ତକୁ ଜାଗ୍ରତ କରେ,
ଅଶେଷ କାହାଣୀ
ଭରିଦିଏ ସ୍ତବକ ସେ,
ହେବାକୁ ଅଗ୍ରଣୀ ।

ନାହିଁ ତା’ର ଭେଦ-ଭାବ,
ନାହିଁତ ଅନ୍ତର
ତା’ ପରାଶ ପାଇ ଧନ୍ୟ,
ନାହିଁ ପଟାନ୍ତର ।

ବ୍ୟାକୁଳ ମନରେ ସିଏ,
ଭରେ ତ ଚମକ
ପଛ ଘୁଞ୍ଚା ଦିଏ ନାହିଁ,
ନ ରହି ଅଟକ ।

“ଆମେଓଡ଼ିଆ” ନାମରେ ସେ,
ହେବ ପରିଚିତ
ଜିଣିବ ସଭିଙ୍କ ମନ,
ହୋଇ ଉଦ୍ଭାସିତ ।

ସଭିଁଏ ପାଇବେ ଭଲ,
ଏଇ ତ ପ୍ରୟାସ
କିଣିନେବ ମନ ସିଏ
ଲେଖା ତା’ ସରସ ।

ଅରୋଶିଖା ପରି ସିଏ,
ହେଉ ପ୍ରଜ୍ୱଳନ
ସଭିଁଙ୍କ ହୃଦୟ ଜିଣୁ,
ଜଳି ଲେଲିହାନ ।

ଲୋକପ୍ରିୟ ଲେଖା

To Top