କବିତା

ଅନୁପସ୍ଥିତ କମ୍ପନ

Ashok Biswal's odia poem Mana Aakaashara Jahna

ତୁମେ ପାଖରେ ନଥିଲେ
ମନ ମୋର ଭାଙ୍ଗିଯାଏ
ଆଖି ତୁମକୁ ଖୋଜି ବୁଲୁଥାଏ

ଅନୁପସ୍ଥିତ କମ୍ପନ

ମୋ ପାଇଁ ସବୁ ମୂଲ୍ୟହୀନ
ମଣି ମାଣିକ୍ୟ ସବୁ ଯେ ପଥର
ସବୁଠାରୁ ମୂଲ୍ୟବାନ ତୁମେ
ମୁକୁତା ହଜିଲେ
କିଛି ଦୁଃଖ ନାହିଁ
ତୁମେ ଚାଲିଗଲେ
ମନ ଭାଙ୍ଗିଯାଏ
ମୂଲ୍ୟହୀନ ସବୁ ହୋଇଯାଏ ।

ତୁମେ ପାଖରେ ନଥିଲେ
ମନ ମୋର ଭାଙ୍ଗିଯାଏ
ଆଖି ତୁମକୁ ଖୋଜି ବୁଲୁଥାଏ
ଲାଗେ
ସବୁଠି ତୁମେ ଠିଆ ହୋଇଅଛ
ପାଏ ନାହିଁ
ମନ ଝାଉଁଳି ତ ପଡେ ।

କଣ ପାଇଁ ଚାଲି ଯାଅ ତୁମେ
ମୋ ମନକୁ ଜାଣିଛ
ତୁମ ବିନା
ଠିଆ ହୋଇ ପାରେ ନାହିଁ
ତୁମ ବିନା ବଞ୍ଚିତ ପାରେନା
ତଥାପି ବି ତୁମେ ଚାଲିଯାଅ
ମନ ଝାଉଁଳି ତ ପଡେ
ଆଉ ଯାଅ ନାହିଁ
ତୁମେ କ୍ଷଣକ ପାଇଁ ତ ।

(ଷଷ୍ଠ ଦଲାଇଲାମାଙ୍କ ତରୂଣ ଜୀବନର ଭାବନା ଏ କବିତାମାନଙ୍କରେ କିଛି ମାତ୍ରାରେ ପ୍ରତିଫଳନ କରାଯାଇଛି । ସେ ଅରୂଣାଚଳ ପ୍ରଦେଶର ତାୱାଙ୍ଗ ଅଂଚଳରେ ଜନ୍ମ ଗ୍ରହଣ କରିଥିଲେ ଏବଂ ପରେ ତାଙ୍କୁ ଷଷ୍ଠ ଦଲାଇଲାମା ଭାବରେ ଅଭିଷିକ୍ତ କରାଯାଇଥିଲା । ତରୁଣ ବୟସରେ ସେ ସଂସାରରୁ ବିଦାୟ ନେଇଥିଲେ । )

ଲୋକପ୍ରିୟ ଲେଖା

To Top