କବିତା

ଅସହାୟ

Dr Mousumi Parida's odia poem Asahaaya

ତା ପାଇଁ ଜୀବନଟା
ଖାଲି ଗୁଡେ ବେପରୁୱା ଦୌଡ ।

ଅସହାୟ

ଏଠି ସମୟ ବି ଅସହାୟ..
ତାକୁ ବି ଧାଇଁବାକୁ ହୁଏ ନିର୍ଦ୍ଧଷ୍ଟ ଦିଗରେ
ଜଳିଯାଉ ସଂସାର କି
ଜରୁରୀ ଇସ୍ତାହାର
ତାକୁ କିନ୍ତୁ ଧାଇଁବାକୁ ହେବ
ଲକ୍ଷ୍ୟହୀନ ଲକ୍ଷ୍ୟ ପାଇଁ..!
ତା ପାଇଁ ଜୀବନଟା
ଖାଲି ଗୁଡେ ବେପରୁୱା ଦୌଡ ।

ପାଦରୁ ଯେତେ ରକ୍ତ ଝରୁ
ଥକିବା ମନା..
ଯେତେ ବିକଳ ଚିତ୍କାର ସବୁଙ୍କୁ
ଛାତିଚିରି ବାହାରିବାକୁ ବି କଟକଣା!
ସେ ଏମିତି ଚାଲିଛି
ଧରି ସବୁ କାମ..
ସମୟ ତ ଧାଇଁବାର ଅନ୍ୟ ଏକ ନାମ ।

ଲୋକପ୍ରିୟ ଲେଖା

To Top