କବିତା

ବର୍ଷା ଛିଟା

Prasanta Kumar Behera's odia poem Barshaa Chhitaa

କଥାଠୁ ବେଶୀ ମନଛୁଆଁ
ତମ ହାତ ଲେଖା
ସେଇ ସବୁ ପ୍ରେମ କବିତା ।

ଝରା ଶ୍ରାବଣର ବର୍ଷା ଠାରୁ
ବେଶୀ ମିଠା
ଏଇ ଝିପିଝିପି ବର୍ଷାର ଛିଟା ।

କଥାଠୁ ବେଶୀ ମନଛୁଆଁ
ତମ ହାତ ଲେଖା
ସେଇ ସବୁ ପ୍ରେମ କବିତା ।

ମିଳନ ଠାରୁ
ବେଶୀ ସୁନ୍ଦରତା
ତମ ମୋ ଭିତରର ଦୂରତା ।

ପ୍ରେମ ଠାରୁ
ଢେର ମଧୁରତା
ତମ ସହ ନିବିଡ ବନ୍ଧୁତା ।

ଫୁଲ ଠାରୁ
ବେଶ୍ ମନ ଲୋଭା
ତମ ମୁଖ ମଣ୍ତଳର ଶୋଭା ।

ସେଥିପାଇଁ ତ କହେ
ତମ ରୂପ ସୌନ୍ଦର୍ଯ୍ୟର ଆଗେ
କୋଣାର୍କର ଭାସ୍କର୍ଯ୍ୟ ବି
ଫିକା ଫିକା ଲାଗେ ।

ଏମିତିରେ ସବୁଠାରୁ ବେଶୀ
ମସଗୁଲ୍ ହୁଏ ତମକୁ ନେଇ
ମୋ ମନ ଭିତରେ
ଅହରହ ଆସୁଥିବା
ସେଇ ସବୁ ଅବାଧ କଳ୍ପନା
ଆଉ ପାହାନ୍ତିଆ ପ୍ରହରର
ଗାଢ ନିଦ୍ରାରେ ଦେଖୁଥିବା
ଅବୈଧ ସ୍ୱପ୍ନ ମାନଙ୍କ ସହିତ ।

ଲୋକପ୍ରିୟ ଲେଖା

To Top