କବିତା

ଭାବନାଗୁଟେ

Bhaabanaagute an odia poem by Ashutosh Meher

ହେନତା ତୋର ମନର ମାଏଟ୍ କେ
ଥୁପେ ଥୁପେ ଭଲ କଥାଥି
ଭିଜେଇ ଦେ, ଦେଖବୁ
ପେରେମଭାବ ତୋର ମନେ ଭରିଯିବା,

ଭାବନାଗୁଟେ

ପାଏନ୍ ବୁନ୍ଦେ ବୁନ୍ଦେ ପଡି
ମାଏଟ୍ ଯେନତା ବୁତରି ଯାଏସି,
ଶୁଖା ଘାସଲତା ବି କଅଁଳି ଯାଏସନ;
ଝଡି ପଡିଲା ଦରମରା ବିଜା ବି
ମଏଟ୍ ଫଟେଇ
ଦୁଇପତର ମେଲିଦେସି ।।

ହେନତା ତୋର ମନର ମାଏଟ୍ କେ
ଥୁପେ ଥୁପେ ଭଲ କଥାଥି
ଭିଜେଇ ଦେ, ଦେଖବୁ
ପେରେମଭାବ ତୋର ମନେ ଭରିଯିବା,
ରାଗବଇରାଗ ସରି ଯିବା
ଆଉର୍ ମନଭତରୁ
ପଝରିଯିବା ସେନେହର ଝରଟେ
ସଭିକେଁ ଭିଜେଇ ଭିଜେଇ
ହସି ଆଉର କନ୍ଦେଇ କରି ବି ।।

ଲୋକପ୍ରିୟ ଲେଖା

To Top