କବିତା

ଭୁଲି ହୁଏନା

Prasanta Kumar Nath's odia poem Bhuli Huenaa

ଆଖିରୁ ତୁମର ଲୁହ ଝରୁ ଥିବ
ଭାବି ଭାବି ମୋର କଥା
କେମିତି କହିବି ପ୍ରେମ ଯେ ଏମିତି
ଅଛିଣ୍ଡା ଅଡୁଆ ସୁତା ।

ଭୁଲି ହୁଏନା

ଭାବିଥିଲି ପ୍ରିୟା ଧୋକା ଦେଇ ମୋତେ
ରହିଛ ତୁମେ ଖୁସିରେ
ଜାଣି ମୁଁ ନଥିଲି ମୋ ପରି ବି ତୁମେ
ଜଳୁଥିବ ବିରହରେ ।

ଭାବିଥିଲି ତୁମେ ଭୁଲି ଯାଇ ମୋତେ
ଖୁସିରେ କାଟୁଛ ଦିନ
ଆଜି ମୁଁ ଜାଣୁଛି ତୁମ ମନେ ପ୍ରିୟା
ରହିଛି ମୋହରି ସ୍ଥାନ ।

ଆଖିରୁ ତୁମର ଲୁହ ଝରୁ ଥିବ
ଭାବି ଭାବି ମୋର କଥା
କେମିତି କହିବି ପ୍ରେମ ଯେ ଏମିତି
ଅଛିଣ୍ଡା ଅଡୁଆ ସୁତା

ଯେତେ ଚାହିଁଲେ ବି ଭୁଲି ପାରିବନି
ପ୍ରେମ ଯେ ଅଭୁଲା ସ୍ମୃତି
ମନ ଖୋଜୁଥିବ ପ୍ରୀତିର ପରଶ
ପ୍ରେମର ଚୋରା ଚଇତି ।

ଭୁଲିବ ଭୁଲିବ ଯେତେ ଭାବୁଥିଲେ
ମନେ ପଡେ ସେତେ ବେଶି
ଭଲ ପାଇ ଥରେ ଭୁଲି ହୁଏ ନାହିଁ
ପ୍ରେମ ପାଏ ନାହିଁ ଫାସି ।

ଲୋକପ୍ରିୟ ଲେଖା

To Top