କବିତା

ବିଗଳିତ ହୃଦୟ

Ashok Biswal's odia poem Mana Aakaashara Jahna

ତୁମ ଚାହାଣୀରେ
ହୃଦୟ ମୋ ତରଳିତ ଗଲା
କେତେ ଦିନର ବରଫ ପଡି ରହିଥିଲା

ବିଗଳିତ ହୃଦୟ

ନୂଆ ସକାଳରେ
ସୁନେଲୀ କିରଣ ତୁମକୁ ଛୁଇଁ ଯାଇଥିଲା
ବାଙ୍କ ଚାହାଣୀରେ ମୋତେ ଦେଖୁଥିଲ
ସୁନ୍ଦର ହସ ତୁମ ମୁହଁରେ ତ ଥିଲା
ହୃଦୟକୁ ମୋର ଭରି ଦେଲା ।

ଚାହୁଁଥିଲ ମୋତେ ବାଙ୍କ ଚାହାଣୀରେ
ଆଖି ମୋର
ତୁମ ଉପରେ ଲାଗି ରହିଥିଲା
ନାରଙ୍ଗୀ ଧଳା କପଡା
ଖୁବ ମାନୁଥିଲା ତ ତୁମକୁ
ଗଳାରେ ତୁମର
ନୀଳ ପଥରର ମାଳା ଶୋଭା ପାଉଥିଲା
କେତେ ସୁନ୍ଦର ତୁମେ ଦିଶୁଥିଲ ।

ତୁମ ଚାହାଣୀରେ
ହୃଦୟ ମୋ ତରଳିତ ଗଲା
କେତେ ଦିନର ବରଫ ପଡି ରହିଥିଲା
ମୋ ହୃଦୟ ଭିତରେ
ତୁମର ଉଷୁମ
ପ୍ରତିଟି ଅଙ୍ଗରେ ମୋର
ତୁମ ନାମର ମୃଗ ଦୌଡି ଚାଲୁଥିଲା ।

ସେମିତି ତୁମେ ଚାହିଁଥାଅ
ଭଲକରି ଦେଖେ ମୁଁ ତୁମକୁ
ମନ ବୋଧ କେବେ ବି ହେବନି
ତୁମ ରୂପ ବଖାଣିବା ପାଇଁ
ଶବ୍ଦ ମୋର ପାଖେ ନାହିଁ ।

(ଷଷ୍ଠ ଦଲାଇଲାମାଙ୍କ ତରୂଣ ଜୀବନର ଭାବନା ଏ କବିତାମାନଙ୍କରେ କିଛି ମାତ୍ରାରେ ପ୍ରତିଫଳନ କରାଯାଇଛି । ସେ ଅରୂଣାଚଳ ପ୍ରଦେଶର ତାୱାଙ୍ଗ ଅଂଚଳରେ ଜନ୍ମ ଗ୍ରହଣ କରିଥିଲେ ଏବଂ ପରେ ତାଙ୍କୁ ଷଷ୍ଠ ଦଲାଇଲାମା ଭାବରେ ଅଭିଷିକ୍ତ କରାଯାଇଥିଲା । ତରୁଣ ବୟସରେ ସେ ସଂସାରରୁ ବିଦାୟ ନେଇଥିଲେ । )

ଲୋକପ୍ରିୟ ଲେଖା

To Top