କବିତା

ବିମୁଦ୍ରିକରଣ

Bisweswar Majhi's odia poem Bimudrikarana

ବ୍ୟାଙ୍କ ଧାଡିରେ ଜନତାର ହୁଏ ଲମ୍ବା ଦାଢୀ
ବ୍ୟାଙ୍କର ବାପୁଡା ଖଟି ଖଟି ହେଲେ ବୁଢା ବୁଢୀ ।

ବିମୁଦ୍ରିକରଣ

ମୋଦି ସାଇଁ ତୁମେ ଯାହା କଲ ଭାରି ଭଲ କଲ
ବିମୁଦ୍ରିକରଣ ଆଠ ନଭେମ୍ବରେ ଥୋପି ଦେଲ ।

କଳା ଟଙ୍କା ବାଲା ମୁଣ୍ଡେ ହାତ ଦେଇ ବସିଛନ୍ତି
ବିରୋଧୀ ବାଲାଏ ଦାନ୍ତ କଡମଡ କରୁଛନ୍ତି ।

ଚାର୍ଟାର୍ଡ ଓକିଲ ତଥାପି କହନ୍ତି ଦମ୍ଭ ଧର
ଶହେରେ ଚାଳିଶି ଦେଇକି କଳାକୁ ଧଳା କର ।

ବ୍ୟାଙ୍କ ଧାଡିରେ ଜନତାର ହୁଏ ଲମ୍ବା ଦାଢୀ
ବ୍ୟାଙ୍କର ବାପୁଡା ଖଟି ଖଟି ହେଲେ ବୁଢା ବୁଢୀ ।

ଟଙ୍କା ଦେଖା ନାହିଁ ଚାହିଁ ଚାହିଁ ଆଖି ପାଣି ମରେ
ରିଜର୍ଭ ବ୍ୟାଙ୍କର କିସ ଯାଏ କିଏ ମଲେଗଲେ ।

ଏଟିଏମ୍ ଗୁଡା ଅଭିଶାପ କେତେ ନେବେ ଆଉ
ମହାମେରୁ ପରି ଛିଡା ପଛେ ନୋଅଟ ନଥାଉ ।

ଏବେଳରେ ତୁମେ ଉଭାନ ହେଲକି ମୋଦି ସାଇଁ
ବ୍ୟାଙ୍କର ବାପୁଡା ଗାଳି ଣୁଣି କାନ ମାରେ ଝାଇଁ ।

ପରକିଜାଇଟ ଟିକସର ଖଣ୍ଡା ଝୁଲୁଅଛି
ବିଦେଶ ଭ୍ରମଣ ଆଶାଟି ମଉଳି ଯାଇ ଅଛି ।

ବ୍ୟାଙ୍କର କରିବେ ଦେଶ ଅର୍ଥନୀତି ଆଗେ ଠିଆ
ଦରମା ବେଳକୁ ଲାଭ କ୍ଷତିର ହିସାବ କିଆଁ ।

ବ୍ୟାଙ୍କର ଭାଇହେ ଏ ଜନମେ କିଛି ନମିଳିଲେ
ଭାବନା ନକର ସରଗ ବାସଟି ଥୁଆ ଭଲେ ।

ଲୋକପ୍ରିୟ ଲେଖା

To Top