କବିତା

ଚକ୍ରବ୍ୟୁହରେ ପ୍ରେମିକା

Prasanta Kumar Behera's odia poem Chakrabyuhare Premikaa

ମନେ ପକାଇଲେ
ଦୁଶୁଛି ଖାଲି
ଗୁଡେ ବିଶ୍ୱାସଘାତକତା ।
ଭଲ କଣ ଆଉ କିଛି ବି
ମନରେ ନାହିଁ ।
ଏତେ ଅପମାନ କେବେ
କେହି ବି କରିନାହାନ୍ତି ।
ତମେ ମୋ ମାନ କି
ମନ କିଛି ବି ରଖିଲନି ।

ଚକ୍ରବ୍ୟୁହରେ ପ୍ରେମିକା

-: ପୂର୍ବରୁ :-

କେମିତି ଏତେ ନିଷ୍ଠୁର
ତମେ ହୋଇପାର ?
ଜଣଙ୍କ ଲୁହ କେବଳ
ଗୁରୁତ୍ବ ପାଇବ,
ଆଉ ଜଣଙ୍କ ଲୁହ କଣ
କେବଳ ନିରୋଳା ପାଣି ?

ମନେ ପକାଇଲେ
ଦୁଶୁଛି ଖାଲି
ଗୁଡେ ବିଶ୍ୱାସଘାତକତା ।
ଭଲ କଣ ଆଉ କିଛି ବି
ମନରେ ନାହିଁ ।
ଏତେ ଅପମାନ କେବେ
କେହି ବି କରିନାହାନ୍ତି ।
ତମେ ମୋ ମାନ କି
ମନ କିଛି ବି ରଖିଲନି ।

ଏବେ ତ ମୋ କ୍ଷତ
ସେମିତି ସତେଜ ରହିଛନ୍ତି ।
ଅଉ କିଛି କହିବାର ନାହିଁ,
ଏ କଷ୍ଟ ବି ଲିଭିବାର ନାହିଁ ।
ତମ ଭଲପାଇବାଠାରୁ
ତମ ଘୃଣା ଓ ବିରକ୍ତି
ସତରେ ଖୁବ୍ ତୀବ୍ର ।

ଆଉ କଣ ସେ ସ୍ଥିତି ଅଛି ?
ଆଖିମୁଦି ଭରଷା କରୁଥିଲି,
ଯାହା କହୁଥିଲ ସବୁକୁ
ବେଦବାକ୍ୟ ବୋଲି ଭାବୁଥିଲି ।

ଏମିତି କେମିତି
ମୋ ସରଳ ମନରେ
ନିଆଁ ଲଗାଇ ପୋଡିବାକୁ
ଛାଡିଦେଇ ପାରିଲ ?
ଏବେ ତ କିଛି ନାହିଁ ସେଠି,
ଖାଲି ବିଶ୍ୱାସ ଘାତକତା
ସହି ସହି ସୃଷ୍ଟି ହୋଇଛି
ବୃହତ୍ ଦୃଣଟିଏ ସେଠି ।

ଏମିତି ବାରମ୍ବାର ଭାଙ୍ଗନା
ସେଇ ସୁନ୍ଦର ମନଟିକୁ,
ହୁଏତ ହଜିଯିବ କିଛି
ସବୁଦିନ ପାଇଁ ।

ଲୋକପ୍ରିୟ ଲେଖା

To Top