କବିତା

ଚକ୍ରବ୍ୟୁହରେ ପ୍ରେମିକା

Prasanta Kumar Behera's odia poem Chakrabyuhare Premikaa

ତମେ କିନ୍ତୁ ପୁରା ଓଲଟା
ସବୁବେଳେ ତର୍କ
ବୁଝି ନ ବୁଝିବାର
ଛଳନା କରି
ମୋ ହୃଦୟକୁ କ୍ଷତାକ୍ତ
କରି ଚାଲିଛ ।

ଚକ୍ରବ୍ୟୁହରେ ପ୍ରେମିକା

-: ପୂର୍ବରୁ :-

ମୋତେ ସବୁବେଳେ
ଏମିତି ନିଆଁରେ ଫିଙ୍ଗି
ତମେ ଏତେ ଖୁସି
ହୁଅ କେମିତି ?
ସତରେ ଖୁବ୍ କଷ୍ଟ
ଦେଇ ଚାଲିଛ
ଏ ଜୀବନରେ
ସେ ସବୁ ତ ମୋ
ଭାବନାର ବାହାରେ ।

ମୁ୍ଁ ତ କୌଣସି
ଛନ୍ଦ କପଟ ଜାଣିନି
ସେଥିରେ ବିଶ୍ୱାସ ବି କରେନି ।
ତମେ କିନ୍ତୁ ପୁରା ଓଲଟା
ସବୁବେଳେ ତର୍କ
ବୁଝି ନ ବୁଝିବାର
ଛଳନା କରି
ମୋ ହୃଦୟକୁ କ୍ଷତାକ୍ତ
କରି ଚାଲିଛ ।

କେବେ ତମର ସେଇ
ଶବ୍ଦର ଜାଲ ସବୁ
ମୋ ଆଖିକୁ ଖୁବ୍
ଓଦା କରୁଥିଲେ ।
ମନା କରୁନି ଏବେ ବି
କିଛି ଭିନ୍ନତା ଅଛି
କିନ୍ତୁ କିଏ ଜାଣେ
ଆଉ କେତେ ଦିନ ପାଇଁ ?

ସତ କହୁଛି
ଏବେ ମୁଁ ଖୁବ୍ କ୍ଲାନ୍ତ
କୋଉ ବିଶ୍ୱାସ ରଖିଲ ଯେ,
ପୁଣି ସେଇ ସବୁ
ଆଘାତ ପାଇବାକୁ ଫେରିବି ?
ଏବେ ତ ଦୃଢ଼
ନିଷ୍ପତିର ବେଳ ।
ହେଲେ ମୁଁ ଠିକ୍ ଜାଣେ
ତମେ ତ ସବୁବେଳେ
ମୋ ଭାବନା ସହ ଖେଳିବାକୁ
ତୟାର ଥିବା ଲୋକ ।

ମୋ ଜୀବନ ପରିଧିରୁ
ଚାଲିଯାଅ ଦୟାକରି
କୌଣସି ସମ୍ପର୍କ ବି
ଦରକାର ନାହିଁ
ଖୁବ୍ କଷ୍ଟ ସତରେ
ଚୁପ୍ ରହିଲେ ବି
କିଛି କହିଲେ ବି !!!

ତାପରେ

ଲୋକପ୍ରିୟ ଲେଖା

To Top