କବିତା

ଚକ୍ରବ୍ୟୁହରେ ପ୍ରେମିକା

Prasanta Kumar Behera's odia poem Chakrabyuhare Premikaa

ବାରମ୍ବାର ସ୍ୱାର୍ଥ ପାଇଁ
ଅନ୍ୟକୁ କିପରି
ହତ୍ୟା କରାଯାଏ
ତାକୁ ବି ଅନୁଭବ କଲି ?

ଚକ୍ରବ୍ୟୁହରେ ପ୍ରେମିକା

-: ପୂର୍ବରୁ :-

ସତରେ
ତମ ଠାରୁ
ବହୁତ କିଛି ଶିଖିଲି ।

କିପରି ଅବିଶ୍ୱାସର
ତତଲା ଚେଙ୍କ ଦିଆଯାଏ ?

ବାରମ୍ବାର ସ୍ୱାର୍ଥ ପାଇଁ
ଅନ୍ୟକୁ କିପରି
ହତ୍ୟା କରାଯାଏ
ତାକୁ ବି ଅନୁଭବ କଲି ?

ସବୁ ଦୟା ମାୟା ଛାଡି
ଏମିତି କଷ୍ଟ କଣ
କାହାକୁ ଦିଆଯାଏ ?

ଏମିତି କେମିତି ତମେ
ନିଷ୍ଠୁର ହୋଇପାର ?

ଏଭଳି ଏକ ଲୋକ ସହ
ଭେଟ ହୋଇଛି
ଯାହାର ନିର୍ମମତା ହିଁ
କେବଳ ମନେ ରହିବ ।

ଦୟା ଲାଗିଲାନି
ଏ ବିଚାରିଟି ଉପରେ ?

ଏ ସବୁ କେଉଁ
ମଣିଷ ପଣିଆଁ କୁହ ତ ?

ଏ କଣ ମୋ ପାଇଁ
କମ୍ ବଡ କଥା ???

ଯେଉଁ ନାରୀ ଆଡ ଆଖିରେ
କାହାକୁ ନଜର ଦିଏନି,
କି ବିଶ୍ୱାସ ବି କରେନି;
ସତରେ ତାକୁ
ଈଶ୍ୱର ଦଣ୍ଡ ଦେଲେ
ତମ ମାଧ୍ୟ୍ୟମରେ ।

କେଉଁ ସତ ମଣିଷର
ଅଭିଶାପ ହୋଇଥିବ ନିଶ୍ଚେ ।
ହଁ ତମେ ମୋତେ
ଅବଶୋଷରେ ଭରିଦେଲ
ଆଖି ଭିଜେଇ ଦେଲ
ବିଶ୍ୱାସ ବି ମାରିଦେଲ
ସତରେ ଠକିଦେଲ ।

ଲୋକପ୍ରିୟ ଲେଖା

To Top