କବିତା

ଦୁଇପଦ କଥା

Chandana Pattanaik's odia poem Dui Pada Kathaa

ଭାବୁଥିଲି ତୁମ ଫଟୋ ସହ
ଦୁଇପଦ କଥା ହେବାକୁ
କିଛି ମୁହୂର୍ତ୍ତ ପାଇଁ ହେଉପଛେ
ଆଜି ଯେପରି ମୁଁ ଚୁପ ରହିଯାଏ

ଦୁଇପଦ କଥା

ଭାବୁଥିଲି ତୁମ ଫଟୋ ସହ
ଦୁଇପଦ କଥା ହବାକୁ

ହେଲେ ସେ ଫଟୋରୁ
ତୁମେ ଏମିତି ଦେଖିଲ
ଏବେ ପର୍ଯ୍ୟନ୍ତ ବସିଛି
ଚୁପ ଚାପ ହୋଇ

ଯେମିତି ବର୍ଷ ବର୍ଷ ଧରି
ଚୁପ ରହିଗଲି
ଆଉ ତୁମେ ଏମିତି ହିଁ ଚାଲିଗଲ
ଦୂରକୁ ବହୁତ ଦୂରକୁ

ଭାବୁଥିଲି ତୁମ ଫଟୋ ସହ
ଦୁଇପଦ କଥା ହେବାକୁ
କିଛି ମୁହୂର୍ତ୍ତ ପାଇଁ ହେଉପଛେ
ଆଜି ଯେପରି ମୁଁ ଚୁପ ରହିଯାଏ

ଭାବୁଥିଲି ଫୁଲେଇ ଜହ୍ନ ସହ
ଦୁଇ ପଦ କଥା ହେବାକୁ

ହେଲେ ତାର ଜୋଛନାରେ
ଚାଲିଗଲି କେଉଁ ଦୂର ଆକାଶକୁ
ହଜିଗଲି ମୁଁ ନିଜେ
ଅତୀତର ସେଇ ସ୍ମୃତିରେ

ଯେମିତି ପ୍ରଥମ ଥର
ହଜି ଯାଉଥିଲି ମୁଁ
ସମ୍ମୋହିତ ହୋଇଯାଇଥିଲି
ଚାହିଁ ଦେଲା ପରେ ସେ ଆଖି ଦୁଇଟିକୁ

ଭାବୁଥିଲି ଫୁଲେଇ ଜହ୍ନ ସହ
ଦୁଇ ପଦ କଥା ହେବାକୁ
ଅତୀତର ସେଇ ସ୍ମୃତି ରେ
ଆଜି ଯେପରି ମୁଁ ହଜି ନ ଯାଏ …

ଲୋକପ୍ରିୟ ଲେଖା

To Top