କବିତା

ଈଶ୍ୱର

Anirudha Senapati's odia poem Eshwara

ନୃତ୍ୟରତ କେବେ ଗୀତ ଗୋବିନ୍ଦର
ଅଭିମାନ ଭରା ଗୀତି ସାହିତ୍ୟରେ
ସୋରିଷ ଫୁଲର ଜନଶୂନ୍ୟ ପଥେ
କେବେ ତୁମେ ଥାଅ ସମୁଦ୍ର ପ୍ରାଙ୍ଗଣେ

ଈଶ୍ୱର

ଅନ୍ତରର ତୁମେ ଅନ୍ତରଙ୍ଗ ବନ୍ଧୁ
ଅନ୍ତର୍ଯ୍ୟାମୀ ନିରାକାର
ଖୋଜିପାଇଲିନି ତୁମରି ସ୍ୱରୂପ
ପଥଥିଲା ବହୁଦୂର
କିଏ କୁହେ ତୁମେ ପ୍ରେମର ଭିକାରି
କିଏ କହେ ତୁମେ ଜ୍ଞାନର ପୂଜାରୀ
ଅବା କିଏ କହେ ଯମୁନା ତଟରେ
ମୟୁରଚୁଲିଆ ମୁରଲୀର ଧାରୀ
କେବେ ତୁମେ ପୁଣି ଗଭୀର ଧ୍ୟାନରେ
ସମାଧିରେ କେବେ ଉତ୍ତୁଙ୍ଗ ଶିଖରେ
ନୃତ୍ୟରତ କେବେ ଗୀତ ଗୋବିନ୍ଦର

ଅଭିମାନ ଭରା ଗୀତି ସାହିତ୍ୟରେ
ସୋରିଷ ଫୁଲର ଜନଶୂନ୍ୟ ପଥେ
କେବେ ତୁମେ ଥାଅ ସମୁଦ୍ର ପ୍ରାଙ୍ଗଣେ
ପ୍ରକୃତିର କେଉଁ ନବମ ଆଶ୍ଚର୍ଯ୍ୟ
କେବେ ତୁମେ ଦିଶା ଶୂନ୍ୟ ଆକାଶରେ
ଗୀତ ଗାଏ କେହି କିଏ ନୃତ୍ୟ କରେ
ଷୋହଳ କଳାର ମିଶ୍ରଣ ଯେ ତୁମେ
କେହି ବାଲୀରଥେ ତୁମକୁ ବସାଏ
କିଏ କୋଳି ଦେଇ ତୁମକୁ ତୋସାଏ
କେତେ ପଥ କେତେ ଭିର୍ଣ୍ଣ ତୁମେ ପ୍ରଭୁ
ଦେଖା ଦିଅ କେବେ ଦୃଷ୍ଟି ଆଢୁଆଳେ ….

ଲୋକପ୍ରିୟ ଲେଖା

To Top