କବିତା

ଫେରିବ. . .

Bijay Kumar Senapati's odia poem Feriba

ଦେଖିଛ କି କେହି କେବେ
ନ କାନ୍ଦିବା ଲୋକ ଯେବେ କାନ୍ଦେ
ଶୁଣିଛ କି କେହି ଯେବେ
ନିଜେ ନିଜ କପାଳକୁ ନିନ୍ଦେ ।

ଫେରିବ. . .

ବିଶ୍ୱାସର ବାୟାବସା
ସହିନିଏ ଝଡ଼, ବାତ୍ୟା, ପବନର ତୋଡ଼
ଝୁଲୁଥାଏ ଦମ୍ଭଧରି
କାଠିକୁଟା ପତ୍ର ଘାସ ତିଆରି ସେ ନୀଡ଼
ବେଳେ ବେଳେ ଏମିତି ବି ହୁଏ,
ଦଲକାଏ ପବନରେ
ଛାଏଁ ଛାଏଁ ତଳେ ପଡ଼ିଯାଏ । (୧)

ଦେଖିଛ କି କେହି କେବେ
ନ କାନ୍ଦିବା ଲୋକ ଯେବେ କାନ୍ଦେ
ଶୁଣିଛ କି କେହି ଯେବେ
ନିଜେ ନିଜ କପାଳକୁ ନିନ୍ଦେ ।
ଅବିଶ୍ୱାସୀ ଅଜଗର ଛାଇ
ଗ୍ରାସ କରି ଅଜାଣତେ
ମାରୁଥାଏ ଅସରନ୍ତି ହାଇ । (୨)

ଦମ୍ଭ ଧର ଦମ୍ଭ ଧର
ହୁଅନାହିଁ ନିରାଶ, ହତାଶ
ଝଡ଼ କେବେ ରହେ ନାହିଁ
ବର୍ଷ ବର୍ଷ, ମାସ ଆଉ ମାସ
ଛାତିକୁ ପଥର କରି
ସହିଲେ କ୍ଷଣିକ
ଫେରିବ ସେ ଅପେକ୍ଷିତ
ସପନ ବଣିକ । (୩)

ଲୋକପ୍ରିୟ ଲେଖା

To Top