କବିତା

ଗାଁର ଚିତ୍ର

Matrudatta Mohanty's odia poem Gaanra Chitra

ୟା’ ଭିତରେ ଚିତ୍ରକର ତୂଳୀ ଧରିଲା,
ତୂଳିରେ ରଙ୍ଗ ମାରି କାନ୍‌ଭାସକୁ ଚାହିଁଲା,
ଚାହିଁଲା ଗାଁ ଲୋକଙ୍କ ମୁହଁକୁ ।

ଗାଁର ଚିତ୍ର

ସେଦିନ ପାଞ୍ଚଖଣ୍ଡି ଗାଁରେ
ହୋହଲ୍ଲା ହଟମ ଚମଟ
ଜଣେ ନାମକରା ଚିତ୍ରକର
ଆଙ୍କିବ ଗାଁର ଚିତ୍ର ।

ସମସ୍ତଙ୍କ ଭିତରେ ଉତ୍କଣ୍ଠା
ଛାତି ଫଟାଫଟି ଭିଡ଼
ଠେଲା ପେଲା ହୋହଲ୍ଲା ।

ୟା’ ଭିତରେ ଚିତ୍ରକର ତୂଳୀ ଧରିଲା,
ତୂଳିରେ ରଙ୍ଗ ମାରି କାନ୍‌ଭାସକୁ ଚାହିଁଲା,
ଚାହିଁଲା ଗାଁ ଲୋକଙ୍କ ମୁହଁକୁ ।

ଏମିତି ପାହିଗଲା ରାତି
ଦିନପରେ ଦିନ
ବିତିଗଲା ବର୍ଷ ପରେ ବର୍ଷ ।

ତଥାପି ସେ ଚିତ୍ର ଆଙ୍କି ପାରିଲାନି,
କାହିଁକି ନା
ୟା’ ଭିତରେ ବଦଳି ଯାଇଥିଲା
ସାରା ଗାଁଟାର ଚିତ୍ର ।

ଲୋକପ୍ରିୟ ଲେଖା

To Top