କବିତା

ହିଂସା

Navajyoti Rai's Odia Poem HINSAA

ସେ ଯୁବକଟିର ବ୍ୟାକୁଳତାକୁ ଭାଙ୍ଗି ଗଢ଼ି
ଆଲୋଚନା ଶୁଣି ସେ କଠୋର ଦିଶନ୍ତିନି
ଯାହା ତାଙ୍କ ଭିତରେ ଉକୁଟେ ବାରମ୍ୱାର

ହିଂସା

ମୁରୁକି ମୁରୁକି ହସୁଥିଲେ ଧର୍ମାଧିରାଜ
ସେ ଭାବୁଥିଲେ ସବୁଆଡ଼େ ଠୋକର ଖାଇଥିବା
ଭାରତର ସୁପୁତ୍ରଗଣ
ମୋର ବଶୀଭୂତ ହୋଇ
ମୋ ନିଶ୍ଚଳତାରେ ହିଁ ପରାସ୍ତ ହେବେ
ଚରଖା ଚଲାଇ ଚାଲିଥିଲେ କିନ୍ତୁ କାନେଇ ଥିଲେ
କେଉଁଠୁ କାଳେ ଶୁଭିଯିବ ଅକସ୍ମାତ୍ ଏକ ଶବ୍ଦ
ଯେଉଁଠୁ ତୁରନ୍ତ ଏକ କଥା ସେ ସୃଷ୍ଟି କରିପାରିବେ
ସେ ଯୁବକଟିର ବ୍ୟାକୁଳତାକୁ ଭାଙ୍ଗି ଗଢ଼ି
ଆଲୋଚନା ଶୁଣି ସେ କଠୋର ଦିଶନ୍ତିନି
ଯାହା ତାଙ୍କ ଭିତରେ ଉକୁଟେ ବାରମ୍ୱାର
ତାହା ଜ୍ଞାନ ନୁହେଁ ହିଂସାର ବିଚାର
କିନ୍ତୁ କହିବେ ଏମିତି ଯେମିତି ରସ ନିଗାଡୁଛନ୍ତି ଜୀବନର

ଦେଖ ସେ କେତେ ବଡ଼ କଥା କହୁଛନ୍ତି
କହୁଛନ୍ତି ଭାରତର ସମାଜ ବଦଳୁଛି
ତାହା ବଦଳିବ କିଏ କିଛି କରୁ ବା ନ କରୁ
ଏଣୁ ଆପଣ ନିଶ୍ଚିତ ରୁହନ୍ତୁ
ସେ ବ୍ୟାକୁଳତାର ହତ୍ୟା କରିବାକୁ ଅଛନ୍ତି ପ୍ରସ୍ତୁତ
ସବୁ ପ୍ରଶ୍ନ ଯେମିତି ପଡ଼ିଯାଇଛି ଗଣ୍ଠି
ନିରପେକ୍ଷ ଦୃଷ୍ଟିରେ ଦେଖାଯିବ ତ ସବୁ ହୋଇଛି ସମାଧାନ
ଏହା ଶୁଣି ହତାଶ ଯୁବକଟି ଉଠିଗଲା ହୋଇ ଦିଗହୀନ
ଏ ବୃଦ୍ଧ- ଯୁବକ ସମ୍ୱାଦ ବାରମ୍ୱାର ହୋଇସାରିଛି
ଯୁବକର ଦୁର୍ନିବାର ବ୍ୟାକୁଳତାର ହୋଇନାହିଁ ଅନ୍ତ
କିନ୍ତୁ ଗାନ୍ଧିଙ୍କ ଶିଷ୍ୟ ବାରମ୍ୱାର ପ୍ରହାର କରି
ନିଶ୍ଚିତ ଦେଶ ସାରା କରିଛନ୍ତି ପ୍ରଚାର ହିଂସାର !

ଲୋକପ୍ରିୟ ଲେଖା

To Top