କବିତା

ଜୟ ପରାଜୟ

Kanishtha Kishore Sahu's odia poem Jaya Paraajaya

ବିଜୟେ ବିଭୋର ପରାଜୟେ ହେବ
ଉଚିତ୍ ନୁହେଁ ଅଧୀର,
ଆଜିଅଛି ଯାହା ଥିଲା ତ କାହାର
କାଲିକି ହେବ ଅନ୍ୟର ।

ଜୟ ପରାଜୟ

ଜୀବନ ଖେଳରେ ଲଭିବ ବିଜୟ
ଅବା ପରାଜୟ ଶେଷେ,
ଜୟ ପରାଜୟ ସମଭାବାପନ୍ନ
ତ୍ୟାଗ କଲେ ଅଭିଳାଷେ ।

ବିଜୟେ ବିଭୋର ପରାଜୟେ ହେବ
ଉଚିତ୍ ନୁହେଁ ଅଧୀର,
ଆଜିଅଛି ଯାହା ଥିଲା ତ କାହାର
କାଲିକି ହେବ ଅନ୍ୟର ।

ଚଣ୍ଡାଶୋକ ଦିନେ ହେଲେ ଧର୍ମାଶୋକ
ବିଜୟ ଲଭି ଉତ୍କଳେ,
ଜୟଲାଭ କରି ପରାଜିତ ହେଲେ
ରକ୍ତ ରଞ୍ଜିତ ଅନଳେ ।

ଜୟକୁ ପରାସ୍ତ କରିବା ସହଜ
ବିଜୟ ଦିବା ସପନେ,
ପରାଜୟ ମଧ୍ୟେ ଶାୟିତ ବିଜୟ
ପ୍ରାପ୍ତି ତା’ ଅନୁଧାବନେ ।

ଲୋକପ୍ରିୟ ଲେଖା

To Top