କବିତା

ଜୀବନଗାଥା

Prafulla Kumar Panda's odia poem Jeebangaathaa

ଜ୍ଞାନର ପ୍ରଦୀପ ଜାଳି ପ୍ରତିଟି ହୃଦୟେ
ଅଜ୍ଞାନକୁ ନାଶ କଲେ ବୃହସ୍ପତି ପ୍ରାୟେ । (୭)

ଜୀବନଗାଥା

ବିସ୍ମୃତିର ଏ ଅବିସ୍ମରଣୀୟ ଗାଥା
ବର୍ଣ୍ଣନାତୀତ ଯାହାଙ୍କର ଜୀବନ କବିତା । (୧)

ଅନେକ ସୌଧର ଯିଏ ଥିଲେଟି ନିର୍ମାତା
ଯୁଗେ ଯୁଗେ ଗାଉଥିବ ତାଙ୍କ ଚିରଗାଥା । (୨)

ଯାହାଙ୍କର ଲେଖନୀରେ ବହେ ମନ୍ଦାକିନୀ
କେବେ ପୁଣି ଧୂର୍ଯ୍ୟଟିଙ୍କ ତାଣ୍ଡବ ବଖାଣି । (୩)

କେବେ ପୁଣି ପୂଣ୍ୟତୋୟା ଜାହ୍ନବୀ ମାତାଙ୍କୁ
ଆଣିଛନ୍ତି ଏ ଧରାକୁ ମୁକ୍ତି ବାଣ୍ଟିବାକୁ । (୪)

ନରକ ପୁରୀକୁ କଲେ ସରଗ ସମାନ
ନୀଳକଣ୍ଠ ସାଜି ପୁଣି ବିଷ କଲେ ପାନ । (୫)

ଅମୃତର ସଞ୍ଜିବନୀ ସିଞ୍ଚିଲେ ଆପଣ
ସଗର ବଂଶେ ଉଦ୍ଧାରି ଦେଲ ଦିବ୍ୟଜ୍ଞାନ । (୬)

ଜ୍ଞାନର ପ୍ରଦୀପ ଜାଳି ପ୍ରତିଟି ହୃଦୟେ
ଅଜ୍ଞାନକୁ ନାଶ କଲେ ବୃହସ୍ପତି ପ୍ରାୟେ । (୭)

ସବୁରି କଲ୍ୟାଣ ପାଇଁ ଯା’ ହୃଦୟେ କାନ୍ଦେ
ସେ ଅମର ଆତ୍ମା ପାଦେ ବିଶ୍ୱବାସୀ ବନ୍ଦେ । (୮)

ଘେନ ପ୍ରଣିପାତ ଆମ ଆଦିମାତା ସୁତ
କରୁଣାମୟଙ୍କ ଆଶିଷ ଲଭି ହୁଅ ପୂତ. . . । (୯)

ଲୋକପ୍ରିୟ ଲେଖା

To Top