କବିତା

କଳଙ୍କିତ ଅଧ୍ୟାୟ

Er Bidyadhara Panda's odia poem Kalankita Adhyaaya

ଆତ୍ମହତ୍ୟା ପୂର୍ବରୁ କୁନ୍ଦୁଲି ପିଡୀତାର
ଲୁଗାବନ୍ଧା ମୁହଁର କଥାକୁହା ଆଖି

କଳଙ୍କିତ ଅଧ୍ୟାୟ

କଳଙ୍କିତ ଅଧ୍ୟାୟ
ଆମ ଜନ୍ମମାଟି ଓଡିଶାର
ଭୁଲି ହେଉନି ମନରୁ
ମୁଣ୍ଡରେ ଆପେଆପେ ଗଣ୍ଠି ପଡିଛି
ଦାନମାଝୀ କଡରେ ଛିଡା
ସେ ଛୋଟ ଝିଅର ଚାହାଣି
କାନ୍ଧ ଉପରେ କାଠଗଣ୍ଡିଟି ପରି
ବୋହୁଥିବା ଗୋଦଡି ଗୁଡା ଶବ
ବିଷପିଇବା ପୂର୍ବରୁ ଚାଷଜମିରେ
ବରଗଡ ଚାଷୀର ଧମକାଣ ଭିଡିଓ

ଆତ୍ମହତ୍ୟା ପୂର୍ବରୁ କୁନ୍ଦୁଲି ପିଡୀତାର
ଲୁଗାବନ୍ଧା ମୁହଁର କଥାକୁହା ଆଖି
ଭୁଲି ହେଉନି ପୁରୀ ଶ୍ରୀମନ୍ଦିରରେ
ନିତିନିତି ପରମାତ୍ମା ନୀତିରେ ଖେଳ
ଦାରୁଚୟନ ବନଯାଗ ଯାତ୍ରା
୨୦୧୫ ମସିହା ନବକଳେବର
ଦିବସରେ ବିଳମ୍ବିତ ବ୍ରହ୍ମ ପରିବର୍ତନ
ଲକ୍ଷ୍ମୀଭଣ୍ଡାର ତାଲାର ଚାବି
ହଜିବା ଖୋଜିବା ପାଇବା

ଅସଫଳ ଭଣ୍ଡାର ଖୋଲା ଉଦ୍ଧ୍ୟମ
ଗଣମାଧ୍ୟମ ପାଇଁ ପୁରୁଣା
ପ୍ରଶାସନ ପାଇଁ ଅଢୁଆ
ବିରୋଧୀଙ୍କ ପାଇଁ ଆଲୋଚ୍ୟ
ଶାସକ ନେତାପାଇଁ ଲଜ୍ଜ୍ୟା
କେବଳ ଜନତାଙ୍କ ପାଇଁ
ଚିରଦିନର ଅଭୁଲା ସ୍ମୃତୀ
ଓଡିଶା ଇତିହାସ ପୃଷ୍ଠାର
ଭୁଲି ହେଉନି ଏସବୁ
ଅସରନ୍ତି କଳଙ୍କିତ ଅଧ୍ୟାୟ

ଲୋକପ୍ରିୟ ଲେଖା

To Top