କବିତା

ଲମ୍ବିତ ରାତ୍ରୀ

Ashok Biswal's odia poem Mana Aakaashara Jahna

ପୂର୍ବର ସୁରୁଜ
ଉଅଁ ନାହିଁ ଆଉ ଆଜି ମୋଟେ
ରହିଯାଅ
ଯେଉଁଠି ତ ଅଛ
ଅଟକି ଯାଅ ପାହାଡ଼ ପଛରେ
ରାତି ତ ନପାହୁ ।

ଲମ୍ବିତ ରାତ୍ରୀ

ସଫା ଟିକିଏ ଦିଶୁଛି ଆକାଶ
ସୂରୁଜ ଉଇଁଲାଣି କିବା ପାହାଡ଼ ପଛରୁ
ଏତେ ତ ଜଲଦି ସକାଳ ଆସିବାର ନୁହେଁ
ଆଉ ବେଳ ଅଛି
ବଉଦ ନାହିଁ ଆକାଶରେ
ଆକାଶରେ ତାରା ତ ଉଇଁଛି
ଡରାଉ ଅଛି ଯେ ଆମକୁ ।

ପୂର୍ବର ସୁରୁଜ
ଉଅଁ ନାହିଁ ଆଉ ଆଜି ମୋଟେ
ରହିଯାଅ
ଯେଉଁଠି ତ ଅଛ
ଅଟକି ଯାଅ ପାହାଡ଼ ପଛରେ
ରାତି ତ ନପାହୁ ।

ସମୟ କେତେ କମ ଯେ ଲାଗୁଛି
କଥା ଆମର ଏଯାଏଁ ସରିନି
ପ୍ରେମ ଆମର
ଏଇ ତ ଆରମ୍ଭ ହୋଇଛି
ଆମେ ଏଇ ତ ମିଳୁଛୁ
ପୂର୍ବର ସୁରୁଜ
ରହିଯାଅ
ଯେଉଁଠି ତ ଅଛ ।

(ଷଷ୍ଠ ଦଲାଇଲାମାଙ୍କ ତରୂଣ ଜୀବନର ଭାବନା ଏ କବିତାମାନଙ୍କରେ କିଛି ମାତ୍ରାରେ ପ୍ରତିଫଳନ କରାଯାଇଛି । ସେ ଅରୂଣାଚଳ ପ୍ରଦେଶର ତାୱାଙ୍ଗ ଅଂଚଳରେ ଜନ୍ମ ଗ୍ରହଣ କରିଥିଲେ ଏବଂ ପରେ ତାଙ୍କୁ ଷଷ୍ଠ ଦଲାଇଲାମା ଭାବରେ ଅଭିଷିକ୍ତ କରାଯାଇଥିଲା । ତରୁଣ ବୟସରେ ସେ ସଂସାରରୁ ବିଦାୟ ନେଇଥିଲେ । )

ଲୋକପ୍ରିୟ ଲେଖା

To Top