କବିତା

ଲେଖିବିନି ତା ନାଁ

Matrudatta Mohanty's odia poem Lekhibini Taa Naa

ତାକୁ ମୋର ମନ ଦେଲି ଭଲ ମୁଁ ପାଇଲି
ପ୍ରତିରାତି ସ୍ୱପ୍ନରେ ମୋ
ତାକୁ ମୁଁ ଦେଖିଲି ।

ଲେଖିବିନି ତା ନାଁ

ଅଙ୍କାବଙ୍କା ନଈ କୂଳେ ଥିଲା ଗୋଟେ ଗାଁ
ଯଦିବା ଜାଣିଛି ମୁହିଁ ।

ଗାଁଟିରେ ଥିଲା ଗୋଟେ ଲାଲ ରଙ୍ଗର ମନ୍ଦିର
ମନ୍ଦିରରେ ଜାଣିନି ମୁଁ
ଥିଲେକି ଠାକୁର ।

ମନ୍ଦିର ପଛରେ ଥିଲା ସୁନ୍ଦର ଘରଟି
ଦୁରକୁ ଝଟକୁଥିଲା ଚନ୍ଦ୍ରମା ପରିଟି ।

ଘରଟିରେ ଥିଲା ଜଣେ ଅପୂର୍ବ ସୁନ୍ଦରୀ
ଚାନ୍ଦ ପରି ଦିଶୁଥିଲା ମୁହଁଟି ତାହାରି ।

ତାକୁ ମୋର ମନ ଦେଲି ଭଲ ମୁଁ ପାଇଲି
ପ୍ରତିରାତି ସ୍ୱପ୍ନରେ ମୋ
ତାକୁ ମୁଁ ଦେଖିଲି ।

ନଈ ଯଦି ହୋଇଥାନ୍ତି ସେ ଗାଁରେ
ବହୁ ଥାଆନ୍ତି
ସେ ଝିଅର ଗୋରା ଦେହ
ପ୍ରତିଦିନ ଛୁଉଁଥାନ୍ତି ।
ସେ ଝିଅ ସେଇଠି ରହେ ସେହି ତା’ର ଗାଁ
ଯଦି ବା ଜାଣିଛି ମୁହିଁ
ଲେଖିବିନି ତା’ର ନାଁ ।

ଲୋକପ୍ରିୟ ଲେଖା

To Top