କବିତା

ମା ଘଟଗାଁ ବାସିନୀ

Prafulla Kumar Panda's odia poem Maa Ghatagaon Baasini

ଅସୁର ନାଶ କାରିଣୀ ଶତ୍ରୁସଂହାରିଣୀ
ଅତୁଳ ତୋ ଭକ୍ତ ପ୍ରୀତି ଆଶିଷ ଦାୟିନୀ -୫-

ମା ଘଟଗାଁ ବାସିନୀ

ଅପାର କରୁଣାମୟୀ ମାଆ ତାରିଣୀ
ଅଶେଷ କୃପା ତୋହର ଘଟଗାଁ ବାସିନୀ -୧-

ଅଭୟ ଦାୟିନୀ ମା’ଗୋ ଜଗତ ଜନନୀ
ଅଖଣ୍ଡ ପ୍ରତିଭାମୟୀ ଶକ୍ତି ସ୍ୱରୂପିଣୀ -୨-

ଅବିରତ ସ୍ନେହମୟୀ ହେ ବିଶ୍ୱବନ୍ଦିନୀ
ଅଜ୍ଞାନତା ବିଧ୍ୱଂସିନୀ ଜ୍ଞାନ ପ୍ରଦାୟିନୀ -୩-

ଅତୀବ ସୁନ୍ଦର ରକ୍ତ ମନ୍ଦାର ମାଳିନୀ
ଅବିରରେ ସୁଶୋଭିତ ସଙ୍କଟ ହାରିଣୀ -୪-

ଅସୁର ନାଶ କାରିଣୀ ଶତ୍ରୁସଂହାରିଣୀ
ଅତୁଳ ତୋ ଭକ୍ତ ପ୍ରୀତି ଆଶିଷ ଦାୟିନୀ -୫-

ଅତିପ୍ରିୟ ଶ୍ରୀଫଳ ଶ୍ରୀ ସୁଶୋଭିନି
ଅଚିରେ ତୁ ଯାଚି ଦେଉ ମନବାଞ୍ଛା ଘେନି -୬-

ଅମଳ କମଳ ପ୍ରେମୀ ଜୟ ତୁ ଭବାନୀ
ଅନେକ ରୂପ ତୋହର ମାଁ ସିଂହବାହିନୀ -୭-

ଅକିଞ୍ଚନ ପାରିବ କି ତୋ ଗୁଣ ବଖାଣୀ
ଅଭାଗା ପୂଜୁଛି ପାଦେ ଘେନ ବିଦ୍ୟାସିନୀ -୮-

ଲୋକପ୍ରିୟ ଲେଖା

To Top