କବିତା

ମକର ସଂକ୍ରାନ୍ତି

Bisweswar Majhi's odia poem Makara Sankraanti

ଫସଲ ଅମଳ କରି ଚାଷୀକୁଳ
ଘେନିବାକୁ ଦେବାଶିଷ
ମକର ଚାଉଳ ସାଥେ ଫଳମୂଳ
ଅର୍ପଣ କରି ବିଶେଷ ।

ମକର ସଂକ୍ରାନ୍ତି

ଦେବ ଦିବାକର ହୋଇଲେ ବକର
ଆସିଲା ଯେବେ ମକର
ଆସିବ ବସନ୍ତ ଛାଡିଲାଣି ଶୀତ
କମିବ ହେମ କାକର ।

ଫସଲ ଅମଳ କରି ଚାଷୀକୁଳ
ଘେନିବାକୁ ଦେବାଶିଷ
ମକର ଚାଉଳ ସାଥେ ଫଳମୂଳ
ଅର୍ପଣ କରି ବିଶେଷ ।

ପଞ୍ଜାବେ ଲୋହରି ବିହୁ ଆସାମରେ
ପୋଙ୍ଗଲ୍ ମଙ୍ଗଳ ଦକ୍ଷିଣେ
ପରବ ମକର ଊଡ୍ର ପ୍ରଦେଶର
ପାଳି କୋଣେ ଅନୁକୋଣେ ।

ଗମନ୍ତି ମକର କ୍ରାନ୍ତିକୁ ଭାସ୍କର
ତେଜିଣ ଦକ୍ଷିଣ ଗତି
ଦିନ ବଡ ହେଲା ସୁଯୋଗ ବଢିଲା
କରମେ ରଖିବା ମତି ।

ପଙ୍କଜିନୀ ସତୀ ପତିଙ୍କ ଦୁର୍ଗତି
ମୁକତି ମାନସେ ତପ
ହୋଇଲା ସଫଳ ହରଷେ ପଙ୍କିଳ
ଭୂମିରୁ ହେଲାଣି ଜାତ ।

ଦକ୍ଷିଣା ପବନ ବହେ ଛନଛନ
ଗୁଡି ଉଡାଇବା ବେଳ
ଉଡଇ ଉଚ୍ଚରେ ସୁତ୍ର ସଂଯୋଗରେ
ନଛାଡଇ ତା’ର ମୂଳ ।

ଘର ପରିବାର ସାଥୀ ପରିଜନ
ଠାରୁ ଗଲେ ଯେତେ ଦୂର
ନଭୁଲିବା ତାଙ୍କୁ ଉଠିଲେ ଉଚ୍ଚକୁ
ଭାରତର ଏ ସଂସ୍କାର ।

ଲୋକପ୍ରିୟ ଲେଖା

To Top