କବିତା

ମୋ ସୁନା ଭଉଣୀ

Chandrabhanu Malik's odia poem Mo Sunaa Bhauni

ହାତୀ- ଛତି ହୀରା-ମୋତି ପାଶେ ସିନା ନାହିଁ,
ସାଇତିଛି ସ୍ନେହ ସିନ୍ଧୁ ଛାତିରେ ତୋ’ ପାଇଁ ।

ମୋ ସୁନା ଭଉଣୀ

ମୋ ଜୀବନ ପୁସ୍ତକରେ ତୁ ଶ୍ରେଷ୍ଠ କାହାଣୀ,
କୋଟି କରେ ଗୋଟିଏ ତୁ ମୋ ସୁନା ଭଉଣୀ ।

ତୁ ରୁଷିଲେ ରୁଷିଯାଏ ସରଗର ଚାନ୍ଦ,
ତୋ’ ହସରୁ ଝରିପଡ଼େ ମହ୍ଲାର ସାନନ୍ଦ ।

ଚଲା ପଥେ ଝୁଣ୍ଟିଗଲେ ଧରିନେବି ହାତ,
ନିଜେ କଣ୍ଟା ଘାତ ସହି ଦେବି ଫୁଲ ହାଟ ।

ତୋଳି ପାରିବିନି ଧନ ସରଗରୁ ଶଶୀ,
ତୋଳି ପାରିବି ତୋ’ ଓଠେ ଖୁସି ବାରମାସି ।

ହାତୀ- ଛତି ହୀରା-ମୋତି ପାଶେ ସିନା ନାହିଁ,
ସାଇତିଛି ସ୍ନେହ ସିନ୍ଧୁ ଛାତିରେ ତୋ’ ପାଇଁ ।

ତତେ ନ ଦେଖିଲେ ଦିନେ ଲାଗେ ସବୁ ଶୂନ୍ୟ,
ଜୀବନରେ ତତେ ପାଇ ଏ ଭାଇ ଜନ୍ମ ଧନ୍ୟ ।

ଲୋକପ୍ରିୟ ଲେଖା

To Top