କବିତା

ମୁଁ କେବେ ଗାଈ କେବେ ଘାସ

Madhab Chandra Jena's odia poem Mun Kebe Gaai Kebe Ghaasa

କେବେ କେବେ ମୁଁ
ଦୁଇ ଭାଗରେ ବାଣ୍ଟି ହୁଏ
ଉପର ହିସ୍ସା ଗୋଟେ ଗାଈ
ଆଉ ତଳ ହିସ୍ସା କଅଁଳ
ଘାସରେ ବଦଳିଯାଏ ।

ମୁଁ କେବେ ଗାଈ କେବେ ଘାସ

କେବେ କେବେ ମୁଁ
ଦୁଇ ଭାଗରେ ବାଣ୍ଟି ହୁଏ ।

ଉପର ହିସ୍ସା ଗୋଟେ ଗାଈ
ଯିଏ ସହର ସାରା ଘାସ ଖୋଜିଖୋଜି
ହତାଶ ହୁଏ ଆଉ
ସଞ୍ଜ ନଇଁବା ଆଗରୁ
ପଲିଥିନ, କାଗଜ, ଖାଇ
ପେଟ ଭରି ଦିଏ ।

ତଳ ହିସ୍ସା ପାଲଟି ଯାଏ
ରାସ୍ତା କଡର ଘାସ,
ଯିଏ ଦିନ ସାରା
ସଭିଙ୍କ ପାଦ ତଳେ ଦଳି ହୁଏ
ରାତି ସାରା କାକର ପିଉ ଥାଏ ।

ସକାଳ ହେଲେ ପୁଣି
ଉଠି ଠିଆ ହୁଏ ।

କେବେ କେବେ ମୁଁ
ଦୁଇ ଭାଗରେ ବାଣ୍ଟି ହୁଏ
ଉପର ହିସ୍ସା ଗୋଟେ ଗାଈ
ଆଉ ତଳ ହିସ୍ସା କଅଁଳ
ଘାସରେ ବଦଳିଯାଏ ।

ଲୋକପ୍ରିୟ ଲେଖା

To Top