କବିତା

ପ୍ରଥମ ପ୍ରେମ

Balaram Khamari's odia poem Prathama Prema

ଛୁଁଇ ଦେଇଗଲ ପାପୁଲିରେ ତୁମ ମୋ ଦେହକୁ ଯେତେବେଳେ ,
ଆଖି ଭରିଗଲା ମନ ଭରିଗଲା ଖୁସିରେ ମୋ ସେତେବେଳେ ।

ପ୍ରଥମ ପ୍ରେମ

ପହିଲି ଶ୍ରାବଣ ଆସିବା ଆଗରୁ ପ୍ରେମ ମେଘ ବରଷିଲା ,
ତୁମରି ମୁହଁରୁ ଦୁଇପଦ କଥା ଏ ମନ ଯେବେ ଶୁଣିଲା ।

ଆଖିରେ ଆଖିରେ ଇଶାରା କରିକି ବଢ଼େଇଲ ମୋ ସ୍ପନ୍ଦନ ,
ପହିଲି ରଜରେ ପ୍ରଥମ ପ୍ରେମର ଦୋଳିରେ ଝୁଲିଲା ମନ ।

ଛୁଁଇ ଦେଇଗଲ ପାପୁଲିରେ ତୁମ ମୋ ଦେହକୁ ଯେତେବେଳେ ,
ଆଖି ଭରିଗଲା ମନ ଭରିଗଲା ଖୁସିରେ ମୋ ସେତେବେଳେ ।

କେବେଠୁଁ ଏ ମନ ତୁମ ମନ ଭାଷା ବୁଝିବାକୁ ଚାହୁଁଥିଲା,
ଆଜି ସେ ଅପେକ୍ଷା ସରିବା ଆଗରୁ ମନ ସବୁ ବୁଝିଗଲା ।

ଶବ୍ଦରେ ସୀମିତ ମୋର ପ୍ରେମ ନୁହେଁ ତୁମ କଥା ଅପେକ୍ଷାରେ ,
ତୁମେ ଯାହା ସବୁ ଆଖିରେ ହିଁ କୁହ ମୋ ଆଖି ଗ୍ରହଣ କରେ ।

ତୁମର ସେ ମୁଖ ହସ ହସ ଯେବେ ମୋ ଦୁଇ ଆଖିକୁ ଦିଶେ ,
ହୃଦୟ ସ୍ପନ୍ଦନ ବଢ଼ି ବଢ଼ି ଯାଏ ଶ୍ଵାସ ହାର ବଢ଼ି ବସେ ।

ଯେତେବେଳେ ତୁମେ ପାଖରେ ମୋ ଥାଅ ସମ୍ପୁର୍ଣ୍ଣ ଲାଗେ ଜୀବନ ,
କିଛି ଲୋଡ଼ା ନାହିଁ ମୋତେ ଏ ଜଗତେ ତୁମକୁ ଚାହେଁ ଏ ମନ ।

ଡର ଲାଗେ ଯଦି ମୋତେ ଏକା କରି ତୁମେ ହାତ ଛାଡ଼ି ଦେଲ ,
କିପରି ବଞ୍ଚିବି ତୁମ ବିନା ମୁହିଁ ବୁଝି ନେବ ପ୍ରାଣ ନେଲ ।

ଧରିଥାଅ ମୋତେ ତୁମରି ବାହୁରେ ସଂସାରର ଚିନ୍ତା ନାହିଁ ,
ଅସତ୍ୟ ସଂସାର ତୁମେ ତ ନିଜର କେହି ନାହାନ୍ତି ମୋ ପାଇଁ॥

ଲୋକପ୍ରିୟ ଲେଖା

To Top