କବିତା

ରଜ ପର୍ବ

Binayak Mishra's odia poem Raja Parba

ବାରିଦ ଅସରେ ଯାଇଛି ବରଷି
ଜୀବର ପରାଣେ ଶିତଳ ପରଶି ।

ରଜ ପର୍ବ

ବୈଶାଖୀ ଖରା ଅତି କଷ୍ଟକର
ଅତିଷ୍ଠ ଜୀବନ ଦିନ ଦି ପ୍ରହାର ।

ପୂରବୁ ଦିଶିଲା ଘନ କଲା ମେଘ
ବରଷିବ ବୋଧେ ଅସରେ ବାରିଦ ।

ବାରିଦ ଅସରେ ଯାଇଛି ବରଷି
ଜୀବର ପରାଣେ ଶିତଳ ପରଶି ।

କ୍ଲାନ୍ତି ଅପସରି ପ୍ରଫୁଲ୍ଲ ଚିତ୍ତରେ
ସ୍ମରୁଥିଲୁ ବସି ରଜ ନିକଟରେ ।

ଖୁସି ମନେ ଆସି ଆଠଗଡ଼ ଘରେ
ଦେଖିଲୁ ଆନନ୍ଦ ରଜ ପର୍ବରେ ।

ନାତି ନାତୁଣୀ, ପୁଅ ବୋହୂ ଆଜି,
ମଉଜେ ପାଳନ୍ତି ବେଷ ଭୂଷା ସାଜି ।

କଳ କୋଳାହଳ ପୋଖରୀ ଗାଧୁଆ,
ନାଚିବାକୁ ପିଲେ ମଞ୍ଚପରେ ଠିଆ ।

ସକାଳେ ସନ୍ଧ୍ୟାରେ ଆମ୍ବ ପଣଷ
ସରୁ ଚକୁଳି ପିଠା ରନ୍ଧା ଆମିସ ।

ଖିଆ ପିଆ ଡିଆଁ ଘରେ ବାହାରେ
କଳି କୋଳାହଳ ଦୋଳି ପାଖରେ ।

ଅସମ୍ଭାଳ ଦେଖି ପିଲାଙ୍କର ମଜା
ଦେଖ ଡେଇଁ ଲୁଣି ବାପା ଆଉ ଅଜା ।

ଆଈ ମାଆ ମାନେ ବଡ଼ ଚଞ୍ଚଳୀ
ଭୁଲିଯାଇଛନ୍ତି ଜପିବା ମାଳି ।

ଲାଗି ପଡିଛନ୍ତି ଶୋକ ଭୋକ ତେଜି
ଭଲ ଖାଇବାରେ ଯାଇଛନ୍ତି ମଜି ।

ଏଇତ ସ୍ୱର୍ଗ ସଂସାର ଭିତରେ
ଯେବେ ଖୁସିଥାଏ ସଭିଙ୍କ ମନରେ ।

ଆସୁ ଏବେ ବର୍ଷା ଶୀତ ଅବା ଖରା
ଭୁଲିଯିବୁ ଦୁଃଖ ନ ଦେଇ ଧରା ।

ସମୂହ ଆନନ୍ଦେ କିବା ଏହି ଦୁଃଖ
ଅନୁଭବି କହୁଁ କରିଣ ପରଖ ।

ଲୋକପ୍ରିୟ ଲେଖା

To Top