କବିତା

ସାଧବ ବୋହୂ. . .

Chandrabhanu Malik's Odia Poem SAADHABA BOHU

ଅଗଣିତ ସ୍ୱପ୍ନ ଭାରରେ
ନଇଁ ପଡୁଥିବା ନିରୀହ ଚାହାଁଣିକୁ
ଲାଜର ଓଢ଼ଣି ତଳେ ଢାଙ୍କେ,
ଥରଥର ଗୋଲାପି ଓଠ ପାଖୁଡ଼ାର
କେଇ ପଦ ମିଠା କଥାରେ
ମଳୟ ଲହରି ଖେଳାଏ
ସଭିଁଙ୍କ ମନର ସବୁଜିମା କ୍ଷେତେ. . . ।

ସାଧବ ବୋହୂ. . .

ଅନ୍ଧାରୁଆ କୋଠରୀର
ଅଧାକିଳା କବାଟ କୋଣରେ ଛପି
ଖେଳୁଥାଏ ବୋହୂ ବୋହୂକାର
ଲୁଚକାଳି ଖେଳ,
ଅପରିଚିତ ଦୁନିଆଁକୁ
ଝରକା ଫାଙ୍କରୁ ପରଖୁଥାଏ
ହେଲେ ଦୁନିଆଁ ଆଗରେ
ସେ ସାଧବ ବୋହୂ ରୂପେ ପରିଚିତା. . . ।

ଅଗଣିତ ସ୍ୱପ୍ନ ଭାରରେ
ନଇଁ ପଡୁଥିବା ନିରୀହ ଚାହାଁଣିକୁ
ଲାଜର ଓଢ଼ଣି ତଳେ ଢାଙ୍କେ,
ଥରଥର ଗୋଲାପି ଓଠ ପାଖୁଡ଼ାର
କେଇ ପଦ ମିଠା କଥାରେ
ମଳୟ ଲହରି ଖେଳାଏ
ସଭିଁଙ୍କ ମନର ସବୁଜିମା କ୍ଷେତେ. . . ।

ଅଗଣାର ଆକାଶକୁ
ଇନ୍ଦୁ ସାଜି ଉଇଁ ଆସି
ସ୍ନେହର ଶୀତଳ ଜ୍ୟୋତ୍ସ୍ନାରେ
ସଭିଁଙ୍କୁ ଆପଣାଏ ଚାହୁଁ ଚାହୁଁ,
ଶଙ୍ଖା ସିନ୍ଦୂର ହାଟରେ
ଜୀବନକୁ ବିକି
ବାକି ଜୀବନ କାଟେ
ସାଧବ ବୋହୂଟେ ହୋଇ. . . ।

ଲୋକପ୍ରିୟ ଲେଖା

To Top