କବିତା

ସଞ୍ଜର ସ୍ୱପ୍ନ

Matrudatta Mohanty's odia poem Saanjara Swapna

ପଣ କରିଥିଲି
ଆଜି ସବୁ ପ୍ରଶ୍ନର ଉତ୍ତର ନେବି,
ତା’ ଠାରୁ !

ସଞ୍ଜର ସ୍ୱପ୍ନ

ଦିନେ ନାହିଁ କାଳେ ନାହିଁ
କେଜାଣି କାହା ପାଇଁ
ସେଦିନ ଗାଁ ତୋଟା ବାଟ ଦେଇ
ବନ୍ଧର କିଆବାଡ଼
ମଶାଣିର ବୁଢ଼ା ବରଗଛ
ଶୁଖିଲା ପତ୍ର ଉପରେ
ପାଦ ଥାପି ମୁଁ ଡେଇଁ ପଡ଼ିଲି
ପାଟବନ୍ଧକୁ ।

ପଣ କରିଥିଲି
ଆଜି ସବୁ ପ୍ରଶ୍ନର ଉତ୍ତର ନେବି,
ତା’ ଠାରୁ !

ଦେଖୁ ଦେଖୁ ପଚାରି ଦେଲି
କହ ତ ତୋ’ ଦେହରେ କି କଳା ଦାଗ
ତଥାପି ତୁ ସୁନ୍ଦର କିଆଁ
ତତେ ଦେଖି ମନେ ପଡ଼େ
ମୋ ଫୁଲେଇ ପ୍ରିୟା !

ତାରା ଫୁଲ କିଏ ତୋ କବରୀରେ ଦେଲା
ଆକାଶର ପଣତରେ କିଆଁ ଢାଙ୍କି ଦେଲା ।
ତୁ ସବୁଦିନ ଚୁପ୍‌ଚାପ୍,
ତୋ ପାଇଁ ଦୁଃଖ ନାହିଁ, ଲୁହ ନାହିଁ
ହେଲେ ଦୁଃଖ ଦିଏ
ମୋତେ ତୋର ନିରବତା ।

ତଥାପି ମୁଁ ଦେଖେ
ମୋ ଗାଁର ନଈପଠା ତଳୁ
ମୁହଁ ଦେଖେଇ ତୁ ପୁଣି ଲୁଚି ଯାଉ,
ମୁଁ ସେମିତି ସେଇଠି ମୋ ସଞ୍ଜ ସ୍ୱପ୍ନକୁ
ସାଉଁଟି ଆଣେ ଆଉ କାହା ପାଇଁ !

ଲୋକପ୍ରିୟ ଲେଖା

To Top