ବିଶ୍ୱାସର ଅମୂଲ୍ୟ ସ୍ତମ୍ଭରେ,
ଭାବନାର କୋମଳ ଶିକୁଳିରେ ବନ୍ଧା
ତୁମ ଆମ ସମ୍ପର୍କ ।
ଛଳନାର ପ୍ରତିବିମ୍ବ ଠୁ ବହୁଦୂରେ ,
ସତ୍ୟ ଆଉ ଶାଳୀନତାର ଗହଣାରେ ସଜା
ତୁମ ଆମ ସମ୍ପର୍କ ।
ତଥାକଥିତ ବାହ୍ୟିକ ସୌନ୍ଦର୍ଯ୍ୟର ମାନ୍ୟତାଠୁ ଉର୍ଦ୍ଧ୍ଵରେ,
ସ୍ୱଚ୍ଛ ହୃଦୟର ସିନ୍ଦୁକରେ ଯତନେ ସାଇତା
ତୁମ ଆମ ସମ୍ପର୍କ ।
ସବୁବେଳେ କିଛି ପାଇବାର ଆଶା ଠୁ ଦୂରେ ,
ଏକ ନିଃସର୍ତ୍ତ ସମର୍ପଣ ଛାଇରେ ସୁରକ୍ଷିତ
ତୁମ ଆମ ସମ୍ପର୍କ ।
କେଇପଦସ୍ନେହ, ଆଶ୍ୱାସନା ଭରା, ଶବ୍ଦର ଗଣ୍ଠିଲିରେ,
ଶୃଙ୍ଖଳିତ ଜଳଧାରେ , ଧୀରେ ଧୀରେ ଅଙ୍କୁରିତ
ତୁମ ଆମ ସମ୍ପର୍କ ।