କବିତା

ସ୍ମୃତି

ଶିତୁଆ ସଞ୍ଜର ଦିକ୍ ଦିକ୍ ଜଳନ୍ତା ବତୀ
ପହିଲି ଆଶାଢ଼ର ବର୍ଷାଭିଜା ଗାଁ ମାଟି
ପ୍ରେମିକାର ଆଦ୍ୟ ଚୋରା ଚିଠି
ଲୁପ୍ତପ୍ରାୟ ମହାନ ରାଜକୀୟ କୀର୍ତ୍ତି

ସ୍ମୃତି

ନିର୍ଜନ ବେଳାର ସାଥୀ
ବୈଶାଖର ଡହ ଡହ ଖରା ତାତି
ଜ୍ୟୋତ୍ସ୍ନା ବିଧୌତ ରାତି
ଫଗୁଣର ରଙ୍ଗୀନ ପ୍ରଜାପତି
କୋଇଲିର କୁହୁକୁହୁ ମଧୁଗୀତି
ନବଯୌବନା କିଶୋରୀର ଗୋପନ ପ୍ରୀତି
ଶିତୁଆ ସଞ୍ଜର ଦିକ୍ ଦିକ୍ ଜଳନ୍ତା ବତୀ
ପହିଲି ଆଶାଢ଼ର ବର୍ଷାଭିଜା ଗାଁ ମାଟି
ପ୍ରେମିକାର ଆଦ୍ୟ ଚୋରା ଚିଠି
ଲୁପ୍ତପ୍ରାୟ ମହାନ ରାଜକୀୟ କୀର୍ତ୍ତି
ପାହାଡ଼ି ଝରଣାର ସ୍ରୋତସ୍ୱିନୀ ଗତି
ସଦ୍ୟ ପରିଣିତାର ପରିପାଟି
ସାଗର ବେଳାର ଶାମୁକାର ମୁକ୍ତାଟି
ପଦ୍ମପତ୍ର ଉପରେ ଢଳଢଳ କାକର ମୋତି
ମାଟି କୁଡ଼ିଆର ଚିତା ଝୋଟି ।

ଲୋକପ୍ରିୟ ଲେଖା

To Top