କବିତା

ସୃଷ୍ଟିର ଅବୁଝା ନିୟମ

Minakshi Debi's odia poem Srushtira Abujhaa Niyama

ନ ମାଗିଲେ କେବେ ମିଳିଥାଏ ସୁଖ ସେନେହ
କେବେ ପୁଣି ମିଳେ ଛଳନାର ବିଷବଳୟ
କାହିଁକି ଏମିତି ହୁଏ
ଆଜିଯାଏ କେହି ବୁଝିନାହିଁ ।

ସୃଷ୍ଟିର ଅବୁଝା ନିୟମ

ବେଳା ତ କହେନା ଊର୍ମି
ତୁମେ ମତେ ଯାଅ ଟିକେ ଛୁଇଁ
କାହିଁକି ଯେ କୁହ ତୁମେ
ଫେରିଯାଅ ତାକୁ ଛୁଇଁ ଦେଇ ।

ଜହ୍ନ ତୁମକୁ ଧରା ତ ଆଲୋକ ମାଗେନା
ଢାଳିଦିଅ ତୁମେ କାହିଁକି ଯେ ଏତେ ଜୋଛନା
ପୁଣି କେବେ ଲୁଚି ଯାଅ
ଅନ୍ଧାରେ ତାକୁ ଭରିଦେଇ ।

ନ ମାଗିଲେ କେବେ ମିଳିଥାଏ ସୁଖ ସେନେହ
କେବେ ପୁଣି ମିଳେ ଛଳନାର ବିଷବଳୟ
କାହିଁକି ଏମିତି ହୁଏ
ଆଜିଯାଏ କେହି ବୁଝିନାହିଁ ।

ଲୋକପ୍ରିୟ ଲେଖା

To Top