କବିତା

ତମାମ୍ ଜୀବନ

Bidhan Chandra Swain

ଯିବା ଆସିବାର ରଫ୍ ଖାତାରେ
ଲେଖାଥିବା ହିସାବତଳେ
ନାଲିଗାର ପଡ଼ିଥିବା ଦିନଗୁଡ଼ିକ ହିଁ
ମୋର ସ୍ମୃତି ସଂକୁଳ ନଈଘାଟ ।

ତମାମ୍ ଜୀବନ

ମହମହ ବାସୁଥିବା
ବୋଉର ପଣତ କାନୀ ହିଁ
ମୋ ଅସରନ୍ତି ପିଲାଦିନ ।

କଣ୍ଢେଇ ଧରି ଧୂଳୀରେ ଗଡ଼ୁଥିବା
ତମାମ୍ ଖରାବେଳ ହିଁ
ମୋର ଅର୍ଜିତ ଅହଂକାର ।

ଯିବା ଆସିବାର ରଫ୍ ଖାତାରେ
ଲେଖାଥିବା ହିସାବତଳେ
ନାଲିଗାର ପଡ଼ିଥିବା ଦିନଗୁଡ଼ିକ ହିଁ
ମୋର ସ୍ମୃତି ସଂକୁଳ ନଈଘାଟ ।

ଇସ୍ତ୍ରୀକରା ଧଳା ପଞ୍ଜାବୀରେ
ଲାଗିଥିବା ବିନ୍ଦୁବିନ୍ଦୁ ଝାଳଦାଗ ହିଁ
ମୋର ବ୍ୟକ୍ତିଗତ ଚରିତ୍ର ।

ଓଦା ସରସର ପ୍ରେମର ପଣତ କାନିହିଁ
ମୋର ପରିପୂର୍ଣ୍ଣ ସଂସାର ।

ଠିକଣା ଭୂଲଥିବା ଚିଠିପରି
ଫେରିଆସୁଥିବା ସବୁତକ ଅପମାନହିଁ
ମୋର ଉଜେଇଁ ଦେଇଥିବା ଦୁଃଖ ।

ଆବୁରୁ ଜାବୁରୁ ସ୍ୱପର୍ଭିତରୁ
ଉତୁରି ଆସୁଥିବା ରାଜକୁମାର ଟିଏହିଁ
ମୋର ଚଳନ୍ତି ସୁଖ ।

ଝରକା ସେପଟେ ଝରାପତ୍ରରେ
ମେଲାଣି ମାଗୁଥିବା ଶୀତ ହିଁ
ମୋର ବାର୍ଦ୍ଧକ୍ୟ ।

ଲୋକପ୍ରିୟ ଲେଖା

To Top