କବିତା

ତୁମ ସ୍ମୃତି

Matrudatta Mohanty's odia poem Tuma Smruti

ନିତି ନିତି ତୁମ ପ୍ରତିମୂର୍ତ୍ତି ଗଢ଼େ
ମୋ ଦେହର ରକ୍ତ ମାଂସରେ ।

ତୁମ ସ୍ମୃତି

ଶୂନ୍ୟରେ ମୁଁ ତୁମ ପାଦ ଚିହ୍ନ ଖୋଜେ
ତୁମେ ସ୍ୱପ୍ନରୁ ଚାଲିଗଲା ପରେ,
ମୋ ଉତ୍ତପ୍ତ ଲୁହର ଉଷ୍ମତା ମାପୁଥାଏ
ତୁମ ପାଇଁ କେଇ ବୁନ୍ଦା
ମୋ ଆଖିରୁ ଝରିଗଲା ପରେ ।

ଥରେ କେବେ ବାସ୍ତବରେ ଆସି ଦେଖି ଯାଅ
ମୋ ଆଖ ପାଖରେ ବିଛେଇ ହୋଇ ପଡ଼ିଥିବା
ଲାଲ୍ ଛିଣ୍ଡା କାଗଜର ଖଣ୍ଡ ସବୁକ,
ସେଥିରେ ତୁମ ସ୍ମୃତିରେ
ମୁଁ ତୁମ ସହସ୍ର ନାମ ଲେଖିଛି ମୋ ରକ୍ତରେ ।

ତୁମକୁ ପୂଜିବାର ସମସ୍ତ ପ୍ରସ୍ତୁତି ସାରି
ଦୀପ, ଧୂପ, ଫୁଲ ଚନ୍ଦନର ଅର୍ଘ୍ୟ ଧରି
ପ୍ରତୀକ୍ଷାର ଶେଷ ସୀମା ଟପିଗଲା ପରେ,
ନିତି ନିତି ତୁମ ପ୍ରତିମୂର୍ତ୍ତି ଗଢ଼େ
ମୋ ଦେହର ରକ୍ତ ମାଂସରେ ।

ଏବେ କିନ୍ତୁ ସବୁ ପାଉଁଶ ହେଲା ପରେ
ତୁମ ସ୍ମୃତିକୁ ମୁଁ ସାଇତି ରଖେ
ମୋ ହୃଦୟର ଲୁହା ସିନ୍ଦୁକରେ ।

ଲୋକପ୍ରିୟ ଲେଖା

To Top