ବ୍ୟଙ୍ଗକବିତା

ବାଳୁଙ୍ଗା ଟୋକା

Manas Ranjan Subuddhi's odia satire poem Balungaa Tokaa

କେମିତି ହେଲି ମୁଁ ବାଳୁଙ୍ଗା ଟୋକା

ବାଳୁଙ୍ଗା ଟୋକା

ବଡ଼ ମଣିଷ ହେବାକୁ ପାଠ ପଢ଼ିଲି
ଚାକିରି ପାଇଁକି ଧକ୍କା ଖାଇଲି
ଥକିଗଲି ଯେବେ ବୁଲି ବୁଲିକା
ମଦ ପିଇ କଲି ମନ ହାଲୁକା,
କେମିତି ହେଲି ମୁଁ ବାଳୁଙ୍ଗା ଟୋକା ।

ଆଜି ନବୀନ ବୟସୀ ବାଳା ଦେଖିଲି
ଭଞ୍ଜ କବି ପରି ଗଳାମାଳା କରିଲି
ଦୁଇ ଘରେ ଶତ୍ରୁ ହେଲେ ଆମ ପାଇଁକା
ପୃଥ୍ଵୀରାଜ ବନି ଆଣିଲି ସଂଯୁକ୍ତା,
କେମିତି ହେଲି ମୁଁ ବାଳୁଙ୍ଗା ଟୋକା ।

ମିଠା କଥା କହିବାକୁ ପାନ ଖାଇଲି
ଭୋଲାବାବା ଭକତିରେ ଧୁଆଁ ଟାଣିଲି
ଦାଢ଼ି ନିଶ ବଢ଼େଇଲି ବ୍ରତ ରଖିକା
ମୋଟା ଚାନ୍ଦା ଝଡ଼େଇଲି ପୁଜା ପାଇଁକା,
କେମିତି ହେଲି ମୁଁ ବାଳୁଙ୍ଗା ଟୋକା ।

ମଧୁବାବୁ ପରି ମୁଣ୍ଡେ ଠେକା ଭିଡ଼ିଲି
ଗାନ୍ଧୀ ବୁଢ଼ା ପରି ହାତେ ଠେଙ୍ଗା ଧରିଲି
ବାପୁ କଥା ମାନିନେଲି ଖଦୀ ପିନ୍ଧିକା
ଜନସେବା ଲାଗି ହେଲି ବିରୋଧୀ ନେତା,
କେମିତି ହେଲି ମୁଁ ବାଳୁଙ୍ଗା ଟୋକା ।

ଲୋକପ୍ରିୟ ଲେଖା

To Top