ବ୍ୟଙ୍ଗକବିତା

ଭ୍ରମରେ ବର

Manas Ranjan Subuddhi's odia satire poem Bhramare Bara

ଭାବି ବର
ଭାବେ ବିସ୍ମିତ ମନରେ
ରାଇଜରେ ସତେ ପଡ଼ିଛି ମରୁଡ଼ି
ଅବା ବନ୍ୟାରେ ଭାସିଗଲେ ସବୁ
ଅବା ଅଭିଶାପ ଗ୍ରସ୍ତ ଏ ନଗରୀ
ବାର ବର୍ଷ ପରେ ଜନ୍ମିବେ ସୁନ୍ଦରୀ ।

ଭ୍ରମରେ ବର

ଘଟସୂତ୍ର ମୁଣା ଯାଏ ସରି
ବର ଖୋଜେ ସୁନ୍ଦର ଆହୁରି
ଦୁନିଆ ଯାକର ଝିଅ ଦେଖିଲେବି
ପସନ୍ଦ ନୋହିଲେ କେହି
କିଏ କଳା ଆଉ ନାକ କାର ବଙ୍କା
ଆଉ କାହା ବାପା ପାଖେ ନାହିଁ ଟଙ୍କା ।

ଭାବି ବର
ଭାବେ ବିସ୍ମିତ ମନରେ
ରାଇଜରେ ସତେ ପଡ଼ିଛି ମରୁଡ଼ି
ଅବା ବନ୍ୟାରେ ଭାସିଗଲେ ସବୁ
ଅବା ଅଭିଶାପ ଗ୍ରସ୍ତ ଏ ନଗରୀ
ବାର ବର୍ଷ ପରେ ଜନ୍ମିବେ ସୁନ୍ଦରୀ ।

କିଏ ସିଏ ହାଣ୍ଡିରେ ମୋ ଚାଉଳ ପକାଇ
ଘୋର ନିଦ୍ରାରେ ଯାଇଅଛି ଶୋଇ ।

ସତେ କ’ଣ ନମିଳିବ କେବେ
ଯେମିତିକା ମନ ମୋର ଭାବେ
ପିତା କୁବେର ଆଉ ପୁତ୍ରୀ ଅପସରା
ଉଚ୍ଚତାରେ ଲମ୍ବା, ସ୍ୱାସ୍ଥ୍ୟରେ ପତଳା
ହୋଇଥିବ ରଙ୍ଗ ଗୋରା
ଆଧୁନିକା, ସୁଶିକ୍ଷିତା, ସର୍ବଗୁଣେ ଅଭିହିତା
ଫୁରୁସତେ ଗଢ଼ିଥିବ ଯାହାକୁ ବିଧାତା ।

ଲୋକପ୍ରିୟ ଲେଖା

To Top