ବ୍ୟଙ୍ଗକବିତା

ଲିଭ୍ ଇନ୍ ରିଲେସନସିପ୍

Prasanta Kumar Nath's odia satire poem Live in relationship

ବାହାଘର ଆଗୁ ସାଥେ ରହିବାକୁ
ନୂଆ ନିୟମ କାଳେ ହେଇଛି
ଏକଥା ଶୁଣି ସାରିଲା ପରେ
ଟୋକାଟୋକି ମନ ଦେଉଁଛି ।

ଲିଭ୍ ଇନ୍ ରିଲେସନସିପ୍

କହିଲେ କହିବ କହୁଛି
କହିବିନି ବୋଲି ଯେତେ ଭାବୁଛି
ମନଟାକି ମୋର ସମ୍ଭାଳି ରହୁଛି
ନକହି ନକହି କହି ଦେଉଛି ।

ବାହାଘର ଆଗୁ ସାଥେ ରହିବାକୁ
ନୂଆ ନିୟମ କାଳେ ହେଇଛି
ଏକଥା ଶୁଣି ସାରିଲା ପରେ
ଟୋକାଟୋକି ମନ ଦେଉଁଛି ।

ଲୁଚାଛପା ପ୍ରେମ କାହିଁକି କରିବେ
ଏକଥା ମନରେ ତାଙ୍କ ଆସୁଛି
ବାହାଘର ଆଗୁ ହନିମୁନ ପାଇଁ
ମନରେ ଆଶା ସିଏ ବାନ୍ଧୁଛି ।

କହିଲେ କହିବ…

କେବେ ଯଦି କାର କା ସାଥିରେ
ମନ ଥରେ ମିଶି ଯାଉଛି
ଘର ପରିବାର ସବୁ ଡର ଛାଡି
ସାଥିରେ ତାହାର ସେ ରହୁଛି ।

ହୋଟେଲ ପାର୍କ କାହିଁକି ଯିବେ
ସେ କଥା ମନରେ ସେ ଭାବୁଛି
ଗୋଟେ ବଖରାରେ ଦୁହେଁ ରହିଗଲେ
ତାର କି ଅବା ଲୋଡା ପଡୁଛି ।

କହିଲେ କହିବ…

ବାହାଘର ଆଗୁ ମନ ମିଶୁଥିଲା
ଏବେ ଦେହ ବି ମିଶି ଯାଉଛି
ଏମିତି ନିୟମ ହୋଇଗଲା ପରେ
କାହାକୁ ଆଉ କିଏ ସେ ଡରୁଛି ।

ବାହାଘର ଆଗୁ ମା ହୋଇଗଲେ
ଖରାପ ବୋଲି କିଏ କହୁଛି
ବାହା ବେଦୀରେ ଛୁଆ ଧରି ବସିଲେ
କିସ ଅସୁବିଧା ଅବା ହେଉଛି ।

କହିଲେ କହିବ…

ପାଠ ପଢ଼ା ନାଁରେ ଗାଁ ଛାଡି
ପୁଅତ ହଷ୍ଟେଲରେ ରହୁଛି
ଝିଅ ସାଙ୍ଗଟିଏ କରି ସାରି ପରା
ଗୋଟିଏ ରୁମ୍ରେ ସେ ରହୁଛି ।

ବାହାଘର ପଇସା ବଞ୍ଚେଇ
ବିନା ବାହାଘରେ ସିଏ ପରା
ବାହାଘର ଆଗରୁ ସିଏତ
ହନିମୁନ୍ ପରା ସାରି ଦେଉଛି ।

କହିଲେ କହିବ…

ଲୋକପ୍ରିୟ ଲେଖା

To Top