ବ୍ୟଙ୍ଗକବିତା

ପ୍ରେମ ଜର

Manas Ranjan Subuddhi's odia satire poem Prema Jara

ଦେହର ତାତି ଉଠଇ ମାତି
ଘନେଇ ଉଠେ ଉତ୍କଟ ବ୍ୟାଧି
ଜାବୁଡ଼ି ଧରେ ହୃଦୟ ତନ୍ତ୍ରୀ
ଅପହରେ ତା’ ପ୍ରତିଟି ଗତି
ମଗଜ ଘର କୀଟରେ ଚୂର୍ଣ୍ଣ
ଚିନ୍ତା, ଚୈତନ୍ୟ ହୋଇଲା ଶୂନ୍ୟ I

ପ୍ରେମ ଜର

ପ୍ରେମ ନଜର କରେ ନିଜର
ଧରିଲେ ଥରେ ଛାଡ଼େନି ଜର
ଜରୁଆ ପାଟି ବାଜଇ ଖନି
ଶୁଭଇ ପଛେ ହୃଦର ଧ୍ୱନି
ଜରରେ ପଡ଼ି ଦିଏ ସେ ରଡ଼ି
“ଲେଖୁଛି ତୋ’ ନାଁ କାଟି ମୋ ନାଡ଼ି” ।

ଦେହର ତାତି ଉଠଇ ମାତି
ଘନେଇ ଉଠେ ଉତ୍କଟ ବ୍ୟାଧି
ଜାବୁଡ଼ି ଧରେ ହୃଦୟ ତନ୍ତ୍ରୀ
ଅପହରେ ତା’ ପ୍ରତିଟି ଗତି
ମଗଜ ଘର କୀଟରେ ଚୂର୍ଣ୍ଣ
ଚିନ୍ତା, ଚୈତନ୍ୟ ହୋଇଲା ଶୂନ୍ୟ ।

ବଟିକା, ଟୀକା ବଇଦ ଦୱା
ହୋଇଲା ସବୁ ଅସାର ଯାହା
ହୁଡ଼ିଲା ସବୁ ବୁଦ୍ଧି ବିଚାର
ସଖା ସୋଦର କରିଲା ପର
ଏ କି ବିଷମ ହେଲା ସମସ୍ୟା
ଭୁଲିଗଲା ସେ ନିଜ ବେଉସା ।

ଗଣ୍ଡର ବ୍ରଣକୁ କରି ଗଣ୍ଠିଧନ
ମନରେ ସାଇତେ ପ୍ରିୟା ବଦନ
ଲଲାଟେ ମାଖି ଲଳନା ଲାଳସା
ତୁଣ୍ଡରେ ଜପି ପ୍ରେମ ଚଉତିଶା
ନିରନ୍ତର ସେବି ପ୍ରେମ ସୁଧାନିଧି
ଧ୍ୟାଉଥିବ ସିଏ ଅନନ୍ତ ଅବଧି ।

ମଧୁମୟ ତା’ ପ୍ରତିଟି କ୍ଷଣ
ସପନେ ଯେବେ ହୁଏ ସେ ଲୀନ
କୁହୁଡ଼ି ପହଁରି ଯାଏ ସେପାରି
ହେବ କି ଦେଖା ହୃଦୟ ମଞ୍ଜରୀ
ପାଦେ ଭେଟିଦେବ ସାରା ସଂସାର
ହେବା ଆଗରୁ ସ୍ୱପ୍ନ ତା’ ଚୁର !!

ଲୋକପ୍ରିୟ ଲେଖା

To Top