ମୁଣ୍ଡଝାଳ ମାରି ତୁଣ୍ଡରେ ଖଟେ ଯେ
ତାକୁ କହୁ ଆମେ ଶ୍ରମିକ;
ତୁଣ୍ଡଝାଳ ବୋଳି ମୁଣ୍ଡରେ ଖଟେ ଯେ
ତାକୁ କହୁ ଆମେ ପ୍ରେମିକ !
ଶ୍ରମିକ ଆଉ ପ୍ରେମିକ ଭିତରେ
ଅଧିକ କିଛି ଫରକ ନାହିଁ;
ପ୍ରେମିକ ଦିବସ ନଥିବାରୁ ଏହା
ଶ୍ରମିକ ଦିବସେ ଦେଉଚି କହି !
ଉଚିତ୍ ପାଉଣା ମିଳେନାଇଁ କିନ୍ତୁ
ଦିନରାତି ଖଟେ ଶ୍ରମିକ ଭାଇ;
ପ୍ରେମିକ ବିଚରା ଖଟୁଥାଏ ଏଠି
ଓଲଟି ନିଜର ପକେଟୁ ଦେଇ !
ଶ୍ରମିକ ଶୋଷଣେ ସଦା ତତ୍ପର
କମ୍ପାନୀ ମାଲିକ, ଠିକାଦାର;
ଯାତନା ଦିଅନ୍ତି ପ୍ରେମିକ ଭାଇକୁ
ଘରମାଲିକ, ପିତା ପ୍ରେମିକାର !
ଶ୍ରମିକ ମାରଣ ଅଟନ୍ତି ସଦା
କମ୍ପୁଟର ଓ ପ୍ରଯୁକ୍ତି ବିଦ୍ୟା କୈାଶଳ;
କମ୍ପୁଟର ଓ ମୋବାଇଲି ଦ୍ୱାରା ଛଟେଇ
ହୁଅନ୍ତି କେତେ ଯେ ପ୍ରେମିକ ବିକଳ !
ସଂଘ ଅଛି ଏଠି ନେତା ବି ଅଛନ୍ତି
ଶମିକମାନଙ୍କ ସ୍ୱାର୍ଥ ଓ ଏକତା ପାଇଁ;
ଦୁଖହେଲା ଭାଇ ପ୍ରେମିକ ଏକତା
ଆଜିଯାଏଁ କିନ୍ତୁ ସମ୍ଭବ ହୋଇନାଇଁ!