ପ୍ରବନ୍ଧ

ଜାତିବାଦ ବନାମ ସ’ରକ୍ଷଣ

Birendra Kumar Pradhan's odia prose Jaatibaada Banaam Sa'rakshyana

ନିରକ୍ଷରତା ଦୂରୀକରଣ ପାଇଁ ସର୍ବଶିକ୍ଷା ଅଭିଯାନ, ସଭିଏ ପଢନ୍ତୁ ସଭିଏ ବଢନ୍ତୁ ।

ଜାତିବାଦ ବନାମ ସ'ରକ୍ଷଣ

କେଉଁ ଆଦିମ କାଳରୁ ମଣିଷ ମନ ମତିଷ୍କରେ ଉଙ୍କି ମାରୁଛି “ଜାତିବାଦ “। ରାଜାମାନଙ୍କ ରାଜତ୍ଵ କାଳରେ ନିଜର ସୁବିଧା ପାଇଁ ଲୋକମାନଙ୍କୁ ଭିନ୍ନ ଭିନ୍ନ କାର୍ଯ୍ୟରେ ନିୟୋଜିତ କଲେ ଯାହାକୁ ଭିନ୍ନ ଭିନ୍ନ ସଂପ୍ରଦାୟ ବା ଜାତିରେ ବିଭାଜନ କରାଗଲା । ଲୁଗା ସଫା କରିବା ପାଇଁ, ବାଳ କାଟିବା ପାଇଁ, ପୂଜା କରିବା ପାଇଁ ଏହି ଭଳି ବିଭିନ୍ନ ବିଭିନ୍ନ କାର୍ଯ୍ୟରୁ ଜାତି ସୃଷ୍ଟି ହେଲା, ଯାହା ମଣିଷ ଭିତରେ ଅସ୍ପୁଷ୍ୟତା ବା ଛୁଆଁ ଅଛୁଆଁ ଭେଦଭାବ ସୃଷ୍ଟି କଲା । କିନ୍ତୁ ବର୍ତ୍ତମାନ ଆମେ ବିଜ୍ଞାନ ଯୁଗରେ ପହଞ୍ଚି ସାରିଲେଣି । ଯେ କେହି ବି ବିଉଟିପାର୍ଲର କରି ବାଳକାଟି ପାରୁଛି ,ଜଣେ ଲଣ୍ଡରୀ କରି ଲୁଗା ସଫା କରି ପାରୁଛି ,ସେହିପରି ଅନ୍ୟ କାର୍ଯ୍ୟ କ୍ଷେତ୍ରରେ ବି ଯେକୌଣସି ସମ୍ପ୍ରଦାୟର ଲୋକ ଯେକୌଣସି କାର୍ଯ୍ୟ କରି ପାରୁଛି । ଛୁଆଁ ଅଛୁଆଁ ଭେଦ ଭାବ ପ୍ରାୟ ଲୋପହେବାକୁ ବସିଲାଣି । ଏପରି କ୍ଷେତ୍ରରେ ଅନୁସୂଚିତ ଜାତି ଓ ଜନଜାତି, ପଛୁଆ ବର୍ଗ ଏବଂ ସାଧାରଣ ବର୍ଗ ଭଳି ଜାତିବାଦ ସୃଷ୍ଟି କରି ମଣିଷ ମନ ମତିଷ୍କକୁ କୁଠାର ଘାତ କରୁଛି ।

ମଣିଷ ମାପକାଠି କଣ ତାର ଜାତି ? ଏପରି ଅନେକ ପ୍ରଶ୍ନ ଏବେ ଯୁବ ସମାଜ ମନରେ ଉଙ୍କି ମରୁଛି । ସମସ୍ତ କ୍ଷେତ୍ରରେ ଯୋଗ୍ୟତା ବଦଳରେ ଜାତି ପାଇଁ ସ୍ତାନ ସରକ୍ଷଣ କଋରାଯାଉଛି । ଯାହା ଜଣେ ମେଧାବୀ ବଦଳରେ ତା ଠାରୁ କମ ନମ୍ବର ରଖିଥିବା ପିଲା ଚାକିରି ପାଉଛି । ଯଦି କୋଟିପତି ଅନୁସୂଚିତ ଜାତି ଓ ଜନଜାତି ଛାତ୍ର କୌଣସି କ୍ଷେତ୍ରରେ ପରୀକ୍ଷା ଦେବ ତେବେ ତାର ପରୀକ୍ଷା ଶୁଳ୍କ ଛାଡ ଏବଂ ଯଦି ଗରିବ ଓ ସାଧାରଣ ବର୍ଗର ଛାତ୍ର ହୋଇଥିବ ପରୀକ୍ଷା ଦେବା ପାଇଁ ଥିବା ସମସ୍ତ ଶ୍ଲୁକ ଦେବାକୁ ପଡିବ । ଯାହା ଫଳରେ ଅନେକ ଗରିବ ସାଧାରଣ ବର୍ଗର ଛାତ୍ର ଟଙ୍କା ଅଭାବରୁ ପରୀକ୍ଷାରୁ ବଞ୍ଚିତ ହୁଅନ୍ତି । ଯଦି ପରୀକ୍ଷା ଶୁଳ୍କ ଛାଡ କରିବା ବ୍ୟବସ୍ତା ଅଛି ତେବେ ଗରିବ ଶ୍ରେଣୀର ଛାତ୍ର ମାନକ ପାଇଁ ଛାଡ କରାଗଲେ ହୁଏତ ଚାକିରି କଲେ ଗୋଟିଆ ପରିବାର ଗରିବ ଶ୍ରେଣୀରୁ ବାଦ ପଡ଼ିନ୍ତା ।

ଜଣେ ଡାକ୍ତର ଗୋଟିଏ ରୋଗୀ ପାଇଁ ଭଗବାନ ସଦୃଶ୍ୟ କାରଣ ସେ ରୋଗର ପୀଡରୁ ମୁକ୍ତ କରିଥାଏ । ଯେତେବେଳେ ମେଡିକାଲ ପରୀକ୍ଷା ଦେଉ ଥିବା ସାଧାରଣ ବର୍ଗର ଛାତ୍ର ଅନ୍ୟ ବର୍ଗର ଛାତ୍ର ଠାରୁ ଅଧିକ ନମ୍ବର ରଖି ନାମ ଲେଖାରୁ ବାଦ ପଡିଥାଏ, ସେତେବେଳେ ଅନ୍ୟ ବର୍ଗର ଛାତ୍ର କମ ନମ୍ବର ରଖି ସୁଯୋଗ ପାଇ ଥାଏ । ଚିନ୍ତା କରିବା ଦରକାର ଯେ ଅଧିକ ନମ୍ବର ରଖିଥିବା ଛାତ୍ର ଜଣେ ଭଲ ଡାକ୍ତର ନା କମ ନମ୍ବର ରଖିଥିବା ଛାତ୍ର ଜଣେ ଭଲ ଡାକ୍ତର ହୋଇପାରିଥାନ୍ତା । ନିରକ୍ଷରତା ଦୂରୀକରଣ ପାଇଁ ସର୍ବଶିକ୍ଷା ଅଭିଯାନ, ସଭିଏ ପଢନ୍ତୁ ସଭିଏ ବଢନ୍ତୁ ।

ବଢିବା ପାଇଁ ସ୍ଵପ୍ନ ଦେଖାଉଥିବା ଛାତ୍ର ମଧ୍ୟରରେ ପ୍ରତିଯୋଗିତା ବଦଳରେ ଜାତିଗତ ବିଭାଜନ କରାଯିବା ଟା କେତେଦୂର ଠିକ ??

ଲୋକପ୍ରିୟ ଲେଖା

To Top